Президентимиз қурылыс бойынша Нөкис қаласының бас режеси менен танысты. Қалада 15 көп қабатлы үй салынады

 

Президентимиз қурылыс бойынша Нөкис қаласының бас режеси менен танысты. Қалада 15 көп қабатлы үй салынады

 

Президентимиз басламасы менен ислеп шығылған Нөкистиң бас режеси – қаланы 2035-жылға шекем социаллық-экономикалық раўажландырыў, инфрадүзилме ҳәм халық турақ-жай шәраятларын жақсылаўға қаратылған кең көлемли қурылыс жойбарларын қамтып алған. Бул ҳаққында ЎзА хабар бермекте.

Мәмлекетимиз басшысы усы жыл январь айында Қарақалпақстан Республикасына сапары даўамында Нөкистиң Ерназар Алакөз көшесин реконструкциялаў жойбары менен танысып, оны еле де жетилистириў бойынша зәрүр усыныс ҳәм кеңеслер берген еди.

Режеге муўапық, бул орайлық көше кеңейтилип, транспорт ҳәрекети ушын еле де қолайлық жаратылады. Жол бойында көп қабатлы үйлер, саўда ҳәм хожалық хызмет көрсетиў шахабшалары қурылады.

Ҳәзирги ўақытта бул жерде заманагөй жойбарлар тийкарында 5 қабатлы 30 турақ жай имараты қурып питкерилмекте. Жеңилликли ипотека кредити тийкарында берилетуғын бул үйлерде жасаў ушын барлық қолайлықлар жаратылады. Үйлер 2018-жылы пайдаланыўға тапсырылады. Келеси жылы бул көшеде және 20 үй қурылады.

Қаланың Абдамбетов көшесинде де арзан үй-жайлардан ибарат турақ жайлар массиви қурылмақта. Усы жылы қурылған көп қабатлы 7 үй усы күнлери өз ийелерине тапсырылмақта.

Массивте заманагөй мәҳәлле орайы, хызмет көрсетиў шахабшалары, гөззаллық салоны, мини-банк, балалар ойын майданшалары қурылады, аймақ абаданластырылады.

Мәмлекетимиз басшысы халықтың арзанлатылған үй-жайға қызығыўшылығы артып баратырғанын есапқа алып келеси жылы бул жерде және 15 көп қабатлы үй қурыў бойынша басшыларға тапсырмалар берди.

Бул жерде Президентимиздиң Ташкенттиң Серегели районына сапары ўақтында берген тапсырмалары тийкарында көп қабатлы үйлердиң 1-қабатында балалар бақшасы ҳәм шаңарақ поликлиникасын жайластырыў бойынша ислеп шығылған жойбар презентациясы болды.

Шавкат Мирзиёев бул үйлердиң абзаллығына итибар қаратты, жойбарды жетилистириў, көп перзентли шаңарақлар ҳәм кекселерге қосымша шәраятлар жаратыў кереклигин айтты.
Ташкент педиатрия-медицина институты Нөкис филиалы емлеўханасында әмелге асырылып атырған қурылыс ҳәм реконструкция жумыслары, Әжинияз атындағы Нөкис мәмлекетлик педагогика институтының жаңа бас оқыў имаратын қурыў, “Dian-plast” ЖШЖ тәрепинен жумсақ жүк контейнерлерин ислеп шығарыў жойбары менен де танысып, басшыларға бул бағдарлар бойынша тапсырмалар берди.

 

Аўдарма: makan.uz

скачать dle 10.6фильмы бесплатно



  • 16-12-2017, 14:09 |
  • 609