Президент өткерген видеоселектор: Өзбекистанда жынаятлардың ҳәр төрттен бири жумыссызлар тәрепинен исленген (видео you tube)

 

Президент өткерген видеоселектор: Өзбекистанда жынаятлардың ҳәр төрттен бири жумыссызлар тәрепинен исленген (видео you tube)

 

Өзбекистан Республикасы Президенти Шавкат Мирзиёев басшылығында 15-ноябрь күни мәмлекетимизде ҳуқықбузарлықлар профилактикасы ҳәм жынаятшылыққа қарсы гүресиў бағдарында белгиленген ўазыйпалар орынланыўы, бул бағдарда бар болған машқалалар ҳәм оларды шешиў мәселелерине арналған видеоселектор жыйналысы өткерилди.

Президент өткерген видеоселектор: Өзбекистанда жынаятлардың ҳәр төрттен бири жумыссызлар тәрепинен исленген (видео you tube)

 

Жыйналыста жынаятшылықтың алдын алыўда ең әҳмийетли факторлардан бири болған жумыссызлықты сапластырыў мәселесине айрықша итибар қаратылды. Бул машқаланы сапластырмай турып, ҳуқықбузарлықлар профилактикасы бойынша гөзленген нәтийжелерге ерисип болмайды.

Усы мәнистен, Президент Шавкат Мирзиёев жынаят ислегенлердиң 16 мыңнан артығы ямаса ҳәр төрттен бири жумыссыз екенине итибарын қаратты.

Мәмлекетимиз басшысы бундай унамсыз жағдайды сапластырыў ушын ҳәр бир сектор баслығы өзине бириктирилген аймақларда исбилерменлик субъектлерин толық қоллап-қуўатлаўы, жаңа жумыс орынларын жаратыўға көмеклесиўи, пуқаралардың бәнтлигин тәмийинлеўге имканият жаратыў бойынша анық жумысларды әмелге асырыўы кереклигин атап өтти.

Додаланған және бир әҳмийетли мәселе – бул жол ҳәрекети қәўипсизлигин тәмийинлеў бойынша көрилип атырған илажлардың бүгинги күн талапларына жуўап бермейтуғыны болды. Мысалы, өткен 10 айда исленген 8 мыңға жақын жол транспорт ҳәдийсеси нәтийжесинде 2 мың 31 пуқара қайтыс болып, 7 мың 622 адам дене жарақатын алған. Бул жағдайлардың тийкарғы себеби пуқараларымызда жол ҳәрекети қағыйдаларына әмел етиў мәдениятын арттырыў, автотранспорт қуралларының жолларда ҳәрекетлениўи ушын қәўипсизлик шараларын көриўде үлкен машқалалардың бар екенлигинде болмақта.

Усыларды есапқа алған ҳалда, жуўаплы басшыларға айдаўшы ҳәм пиядалардың жолларда ҳәрекетлениў мәдениятын арттырыў, жолларда ҳәрекет қәўипсизлигин тәмийинлеўдиң заманагөй техникалық қураллары менен үскенелеў бойынша тапсырмалар берилди.

 

 

Фото: «Ўзбекистон24»

 

скачать dle 10.6фильмы бесплатно



  • 16-11-2017, 09:25 |
  • 206