Аралбойы аймағын раўажландырыў фонды шөлкемлестириледи

Аралбойы аймағын раўажландырыў фонды шөлкемлестириледи

«2017-2021-жыллары аралбойы аймағын раўажландырыў мәмлекетлик бағдарламасы ҳаққында» 18-январь күни Өзбекистан Республикасы Президентиниң қарары қабылланды. Ҳүжжетке муўапық Аралбойы аймағын еле де раўажландырыў, халықтың турмыс жағдайын ҳәм сапасын түпкиликли жақсылаў илажларын әмелге асырыўды финанслық жақтан исенимли ҳәм турақлы тәмийинлеў мақсетинде Өзбекистан Республикасы Финанс министрлиги жанында Аралбойы аймағын раўажландырыў фонды (кейинги орынларда – Фонд) шөлкемлестириледи.
Төмендегилер фондты шөлкемлестириў дереклери етип белгиленген:
Өзбекистан Республикасы Тиклениў ҳәм раўажланыў фондына өткерилиўи керек болған қаржылардың он пайызы;
Автомобиллерге газ толтырыўшы компрессор станциялары тәрепинен сатылатуғын тәбийғый газге арнаўлы инвестициялық үстеме ҳақының он пайызы;
Өзбекистан Республикасының Мәмлекетлик бюджетиниң мақсетли қаржылары, соның ишинде орайластырылған инвестициялар;
Халық аралық финанс институтлары ҳәм басқа сырт ел донорларының жеңилликли кредитлери (қарызлары);
физикалық ҳәм юридикалық шахслардың, қәўендерлик фондларының грантлары, ықтыярлы төлемлери, сырт ел донорларының қаржылары;
Фондтың ўақтынша бос қаржыларын жайластырыўдан түсетуғын дәрамтлар;
Нызам ҳүжжетлеринде қадаған етилмеген басқа қаржыландырыў дереклери.
Өзбекистан Республикасы Финанс министрлиги бир ай мүддетте Фонд жумысын шөлкемлестириў бойынша қарар жойбарын ислеп шығып ҳәм оны тастыйықлаў ушын Министрлер Кабинетине киритиўи керек.

Фото: orexсa.com
скачать dle 10.6фильмы бесплатно



  • 31-01-2017, 09:29 |
  • 316