Өзбекистан ҳәм Қазақстан ортасында 10 нан артық ҳүжжет тастыйықланды

 

Өзбекистан ҳәм Қазақстан ортасында 10 нан артық ҳүжжет тастыйықланды

 

Ташкенттеги Көксарай штаб-квартирасында 16-сентябрь күни мәмлекетимизге мәмлекетлик сапар менен келген Қазақстан Республикасы Президенти Нурсултан Назарбаевты рәсмий күтип алыў мәресими болып өтти. Бир неше илажлардан соң Өзбекистан-Қазақстан шерикшилигиниң түрли тараўларына байланыслы 10 нан артық ҳүжжет тастыйықланды. Бул ҳаққында ЎзА хабар бермекте.

Өзбекистан Республикасы Президенти Шавкат Мирзиёев ҳәм Қазақстан Республикасы Президенти Нурсултан Назарбаев Қоспа баянламаны тастыйықлады.

Мәмлекет шегаралары өткериў пунктлери ҳәм автомобиль жолларын реконструкциялаў ҳәм модернизациялаў ҳәм тутас аймақларды абаданластырыў бойынша жол картасы, Өзбекистан Республикасы менен Қазақстан Республикасы ортасында суўға байланыслы қатнасықлар тараўында шерикшилик бойынша жол картасы, Өзбекистан Республикасы ҳүкимети менен Қазақстан Республикасы ҳүкимети ортасында энергетика тараўындағы шерикшиликтиң айырым мәселелери ҳаққында келисим, Әскерий-техникалық шерикшилик ҳаққында келисим, Өзбекистан Республикасы мәмлекетлик бажыхана комитети менен Қазақстан Республикасы Финанс министрлиги ортасында контрабанда ҳәм бажыхана нызамшылығы бузылыўына қарсы гүресиўде шерикшилик ҳаққында келисимлер, "Ўзбекистон темир йўллари" акционерлик жәмийети менен «Қазақстан темир жолы» Миллий компаниясы ортасында стратегиялық шериклик ҳаққында келисимге қол қойылды.

Мәмлекетлер аймақларының туўрыдан-туўры байланысларға тийкар болатуғын ҳүжжетлер де қабылланды. Сырдәрья ўәлаяты ҳәкимлиги менен Қубла Қазақстан ўәлаяты ҳәкимлиги, Ташкент ўәлаяты ҳәкимлиги менен Қубла Қазақстан ўәлаяты ҳәкимлиги, Наўайы ўәлаяты ҳәкимлиги менен Қызылорда ўәлаяты ҳәкимлиги ортасында саўда-экономикалық ҳәм мәдений-гуманитар тараўларда шерикшилик ҳаққында меморандумлар имзаланды.

Сондай-ақ, сапар шеңберинде Қарақалпақстан Республикасы Министрлер Кеңеси  менен Қазақстанның Ақтөбе ўәлаяты ҳәкимияты ортасында саўда-экономикалық ҳәм мәдений-гуманитар тараўларда шерикшилик ҳаққында меморандум, Жиззах ўәлаяты ҳәкимлиги менен Қубла Қазақстан ўәлаяты ҳәкимлиги ортасында саўда-экономикалық ҳәм мәдений-гуманитар тараўларда шерикшилик ҳаққында муморандум, Өзбекистан Миллий мәлимлеме агентлиги менен «Казинформ» халық аралық мәлимлеме агентлиги ортасында меморандум имзаланған.

 

скачать dle 10.6фильмы бесплатно



  • 16-09-2017, 17:49 |
  • 451