Президенттиң Қарақалпақстан ҳәм Хорезм исбилерменлери ушын жаңа қарары

Президенттиң Қарақалпақстан ҳәм Хорезм исбилерменлери ушын жаңа қарары

Өзбекистан Республикасы Президенти Шавкат Мирзиёев 20-январь күни Қарақалпақстанға келди. Ол бул жердеги жағдай менен жақыннан танысты ҳәм халық пенен сәўбетлести. Президент ушрасыў өткерип онда әҳмийетли мәселелер додаланды.
Президент Қарақалпақстан Республикасы ҳәм Хорезм ўәлаяты исбилерменлерин бир қатар салықлардан азат ететуғын қарар имзалаўын айтты.
«Бириншиден, Қарақалпақстан Республикасы аймақларында дизимнен өтип, таяр өним ислеп шығарыўды жолға қойыў арқалы таяр өнимлер ислеп шығаратуғын фармацевтика, электротехника ҳәм пардозлаў қурылыс материаллары ислеп шығарыўшы шөлкемлерди қоллап-қуўатлаў ушын олар 5 жыл мүддетке мал-мүлк, жер, абаданластырыў ҳәм социаллық инфраструктура салықлары ҳәм де Республика жол фонды мәжбүрий төлемлеринен азат етилетуғын қарар шығарамыз. Бул Қарақалпақстанның исбилерменлери ушын жүдә үлкен жәрдем болады.
Екиншиден, Қарақалпақстан Республикасы, Хорезм ўәлаяты аймағында дизимнен өткен кәрханалар, өзи ислеп шығарған өнимлерин экспорт қылыўшы кәрханаларға экспорттан түскен қаржының 50 процентин мәжбүрий сатыўдан азат етиледи.
Бул жүдә үлкен имканият. Биз Мәмлекеттен жүдә үлкен қаржыны алып, усы исбилерменлерге берип атырмыз. Бул, қуда қәлесе 5-6 жыл үйретип алайық, кейин исбилермен өзи береди. Исбилермен өзи халықты бағып алса болды бизге. Биз пулды не ушын жыйнаймыз банкке?
Үшиншиден, Қарақалпақстан Республикасы, Хорезм ўәлаяты аймағында дизимнен өткен кәрхана өз өнимлерин экспорт қылыў ушын темир жол ҳәм жүк тасыўшы кәрханалар арқалы Мәмлекет шегарасына тасыў жолы ушын Республика ишиндеги тарифлер тийкарында төлемлерди әмелге асырады. Мине бул да қанша имканият. 70 % арзанласты.
Соның ушын, Рустам Содиқович сизге тапсырма мине усы 3 қарарға келеси ҳәпте қол қойылыўы керек», - деди Мәмлекетимиз басшысы.

Мағлыўмат ҳәм фото kruz.uz дан алынды.скачать dle 10.6фильмы бесплатно



  • 22-01-2017, 14:22 |
  • 493