Р.Азимов: «Қарақалпақстанда 2017-2018-жыллары 3255 жойбар әмелге асырылады»

 Р.Азимов: «Қарақалпақстанда 2017-2018-жыллары 3255 жойбар әмелге асырылады»

Өзбекистан Республикасы Президенти Шавкат Мирзиёев 20-январь күни Қарақалпақстанға келди. Ол бул жердеги жағдай менен жақыннан танысты ҳәм халық пенен сәўбетлести. Сондай-ақ, Президент ушрасыў өткерип онда әҳмийетли мәселелер додаланды. Мәжилисте Бас министрдиң барлық орынбасарлары қатнасты.
Мәжилисте сөзге шыққан Бас министр орынбасары – Макроэкономикалық раўажландырыў, қурамлы өзгерислер, сырт ел инвестицияларын тартыў комплекси баслығы Рустам Азимов Қарақалпақстанда әмелге асырылатуғын мәмлекет бағдарламасы ҳаққында айтты.
«Ҳүрметли Шавкат Миромонович сизиң сайлаў алды баянатыңыздағы тапсырмалардан келип шығып, усы жылдың январь айында Қарақалпақстан Республикасындағы жуўапкер министрликлер, хожалық бирлеспелери, орайлық банк ҳәм коммерциялық банклерден ибарат исши топар Қарақалпақстан Республикасының ҳәр бир қала ҳәм районларына шығып, исбилерменлер, банклер менен усы жойбардың басламашылары менен ушрасып, соның нәтийжесинде еки жыллық бағдарлама ислеп шығылды.
Ислеп шығылған бағдарлама тийкарында 2017-2018-жылларда улыўма баҳасы 2 триллион 417 миллиард сўмлық 3255 жойбар әмелге асырылыўы белгилеп алынды.
Бул жойбарларға банклер тәрепинен 1 триллион сўм кредит ажратылыўы белгиленди. Соннан 2017-жылдың өзинде 2197 жойбар әмелге асырылыўы белгилеп алынды ҳәм тастыйықланды. Бул жойбарлардың баҳасы 1 триллион 257 миллиард сўмды қурайды. Соннан банк кредитлери 780 миллиард сўм етип белгиленди», - деди Рустам Азимов.

Мағлыўмат ҳәм фото kruz.uz дан алынды.скачать dle 10.6фильмы бесплатно



  • 22-01-2017, 13:32 |
  • 368