Президент Нөкистеги заводлар қурылысы процесси менен танысты

Президент Нөкистеги заводлар қурылысы процесси менен танысты

Өзбекистан Республикасы Шавкат Мирзиёев 20-21-январь күнлери аймақтағы жумыслар менен танысыў ушын Қарақалпақстанға келген еди. ЎзА ның берген мағлыўматына қарағанда, мәмлекет басшысы сапарының екинши күнинде Нөкис қаласында қурылып атырған полимер өнимлери заводы участкасына барды. Бул заводта жылына 8 мың тонна полиэтилен труба, қаплаў өнимлери ислеп шығарылады. Заманагөй технология менен үскенленген кәрханада жүзден артық жумыс орны жаратылады.
Шавкат Мирзиёев энергия тармағы өнимлери ислеп шығаратуғын завод жойбары менен де танысты. Бул жерде Япония, Швейцария, Италия сыяқлы мәмлекетлерде таярланған технологиялар тийкарында заманагөй трансформаторлар, фотоэлектростанция деталлары, автоматикалық электр есаплағышлар ислеп шығарыў режелестирилген.
Президент заводлардың подрятчиклери ҳәм қурыўшылары менен сәўбетлесип, бул жуўапкершиликли жумыста оларға күш-ғайрат тиледи. Кәрхананы мәмлекет ғәрезсизлигиниң 26 жыллығы байрамына пайдаланыўға тапсырыў керек екенин айтты.
Мәмлекет басшысы реконструкцияланып, пайдаланыўға тапсырылған Нөкис темир жол вокзалын барып көрди. Бул жерде жолаўшылар ушын қосымша қолалықлар жаратыў, хызмет түрлерин көбейтиў ҳәм хызмет көрсетиў мәдениятын еле де асырыў зәрүр екенлигин айтты.
Шавкат Мирзиёев Ибрайим Юсупов атындағы талантлы балалар мектебиниң қурылыс участкасына барды. Мектеп жойбарын жетилистириў, атап айтқанда, имарат алдында майдан қурыў ҳәм бул жерде Өзбекистан ҳәм Қарақалпақстан халық шайыры, Өзбекистан Қәҳарманы Ибрайим Юспуов ҳәйкелин орнатыў бойынша тапсырмалар берди. Мектеп базасында киши баспахана шөлкемлестирип ҳәр түрли әдебиятларды аўдармалап, басып шығарыў кереклигин атап өтти.
Президент Ташкент педиатрия медицина институтының Нөкис филиалында да болды. Бул жерде көп тармақлы балалар клиникасы, ойын майданшасы, мийманхана қурылмақта. Институтта ҳакыйқый илимий орталық жаратыў, шет ел тәжирийбесин үйрениў, халық аралық клиникалар менен бирге ислесиўди раўажландырыў, аналар ҳәм балалар саламатлығын нәтийжели қорғаў бойынша усыныслар берилди.
Мәмлекет басшысы Өзбекистан Президентиниң Қарақалпақстандағы халық қабыллаўханасын барып көрди. Бул жерде пуқараларды қабыллаў, мүрәжатларын көрип шығыў ҳәм сақлаў заманагөй мәлимлеме технологиялары тийкарында қурылған. Ана ҳәм бала ханасы, медицина ханасы ҳәм басқа ханаларда керекли шәраятлар, майыплар ушын бөлек қолайлықлар жаратылған. Ҳәр бир мүрәжатты әдалатлы көрип шығыў ҳәм шешиў, басшылардың мүрәжатлар менен ислесиўин анализлеп барыў бойынша тапсырмалар берди.
Буннан соң Президент Нөкистеги Ерназар Алакөз көшесин реконструкциялаў жойбары менен танысты. Режеге муўапық, бул орайлық көше кеңейтилип, транспорт ҳәрекети ушын еле де қолайлық жаратылады. Жол бойында көп қабатлы үйлер, саўда ҳәм хожалық хызмет көрсетиў шахабшалары қурылады.
Президент Нөкистеги заводлар қурылысы процесси менен танысты

Президент Имам Ийшан Муҳаммед мешитинде нуранийлар менен сәўбетлести. Онда кекселерди қәдирлеў, жаслар тәрбиясы ҳаққында сөз барды.

Фото: ЎзА
скачать dle 10.6фильмы бесплатно



  • 22-01-2017, 09:10 |
  • 368