Өзбекистан қоңсылар менен шегара бойынша сөйлесиўлерди тезлестиреди

Өзбекистан қоңсылар менен шегара бойынша сөйлесиўлерди тезлестиреди

Өзбекистан төрт қоңсы мәмлекет пенен мәмлекет шегарасын делимитация ҳәм демаркациялаў бойынша жумысларды тезлестиреди.
2017-2021-жылларда мәмлекетти еле де раўажландырыў бойынша ҳәрекетлер стартегиясы ҳаққындағы Президент пәрманы жойбарында усы мәселе де нәзерде тутылған, деп хабар берди «Газета.uz».
Ҳүжжет жойбарында жуўапкер министрлик ҳәм мекемелерге жылдың биринши шерегинде мәмлекет шегараларын делимитация ҳәм демаркациялаў бойынша режени ислеп шығыў ўазыйпасы тапсырылған.
Онда мәмлекет шегарасының Өзбекистан-Қырғызстан ортасындағы келисилмеген бөлегин ҳуқықый рәсмийлестириў процессин тезлестирип, шегара ҳаққындағы шәртнама имзаланыўына ерисиў белгиленген.
Сырдәрья, Жиззах, Наўайы ўәлаятлары ҳәм де Қарақалпақстан Республикасы участкаларында Қазақстан Республикасының Қубла Қазақстан, Қызылорда, Актюбинск ҳәм Манғыстаў ўәлаятлары менен тутасқан участкалары бойынша Қазақстан менен Мәмлекет шегарасын демаркациялаў бойынша сөйлесиўлерди даўам еттириў нәзерде тутылған.
Буннан тысқары, Тәжикистан ҳәм Түркменистан менен де мәмлекет шегарасының келисилмеген бөлимлерин ҳуқықый рәсмийлестириў ҳаққындағы сөйлесиўлер де қайтадан тиклениўи лазым, делинген хабарда.

Фото: Google Photos
скачать dle 10.6фильмы бесплатно



  • 20-01-2017, 08:50 |
  • 336