Президент: «Биз – халыққа хызметкермиз»

 

Президент: «Биз – халыққа хызметкермиз»

 

Алдын хабар берилгениндей, Өзбекистан Республикасы Олий Мажлис Нызамшылық палатасында парламент палаталары, сиясий партиялар, Өзбекистан экологиялық ҳәрекети, халық депутатлары ўәлаят, район ҳәм қала кеңеслери жумысының анализи ҳәм келешектеги ўазыйпаларға арналған видеоселектор жыйналысы болып өтти.

Жыйналыста Өзбекистан Республикасы Президенти Шавкат Мирзиёев баянат жасады. Бул ҳаққында kun.uz жазды. Оның айтыўынша, «Парламент қадағалаўы ҳаққында»ғы нызамға тийисли өзгерис ҳәм қосымшалар киритиў лазым.

Соның менен бирге, Франция, Уллы Британия, Германия сыяқлы раўажланған мәмлекетлер тәжирийбеси тийкарында Нызамшылық палатасы «Ҳүкимет сааты» институтын енгизиў жүдә жақсы болар еди. Усылай етип жыл басында тастыйықланатуғын режеге муўапық ҳәр айда ҳүкимет ағзаларының есабаты тыңланады ҳәм бул бойынша тийисли қарарлар қабылланады.

«Олий Мажлис Сенатында болса барлық дәрежедеги ҳәкимлердиң аймақларды раўажландырыў бағдарындағы жумысы ҳаққында есабатларды тыңлаў әмелиятын жолға қойыўды усынаман. Әлбетте, бул нызам ислейди, биз қарар қабыллаймыз, бирақ министрлерди де, Бас министр орынбасарларын да, район ҳәкимин де сораўы ушын билим болыўы керек. Нызам болыўы керек. Жүдә көп таярлық көриўиңиз керек. Бир-биримизге биз жәрдемши боламыз. Жумыс процессимизде бәрибир өзгерис болады, егер усы жумысты ҳақыйқаттан әмелий бюрократия етпестен, дурыс шөлкемлестире алсақ. Ким биз: Халыққа хызметкермиз. Усы хызметти ҳадал, пәк, әдалатлы әмелге асыра аламыз ба жоқ па?», - деди Президент.

 

Фото:ЎзА

скачать dle 10.6фильмы бесплатно



  • 15-07-2017, 12:23 |
  • 291