Шавкат Мирзиёев Астанада мәмлекет басшыларының тар шеңбердеги ушырасыўында қатнаспақта

Шавкат Мирзиёев Астанада мәмлекет басшыларының тар шеңбердеги ушырасыўында қатнаспақта

 

Өзбекистан Республикасы Президенти Шавкат Мирзиёев Астана қаласында өтип атырған Шанхай бирге ислесиў шөлкеми Мәмлекет басшылары кеңесиниң нәўбеттеги саммитинде қатнасып атыр, деп хабар берди ЎзА.

Саммит 9-июнь күни Астана қаласының Ғәрезсизлик сарайында мәмлекет басшыларының тар шеңбердеги ушырасыўы менен басланды. Қазақстан Республикасы Президенти Нурсултан Назарбаев басшылығында өткен ушырасыўда Өзбекистан Республикасы Президенти Шавкат Мирзиёев, Қытай Халық Республикасы баслығы Си Цзиньпин, Қырғызстан Президенти Алмазбек Атамбаев, Россия Президенти Владимир Путин, Тәжикистан Президенти Эмомали Рахмон қатнасты.

Сөйлесиўлерде Шанхай бирге ислесиў шөлкеми (ШБШ) ҳәм оның органлары жумысларын еле де жетилистириў, шөлкемге ағза мәмлекетлер ортасында сиясий, саўда-экономикалық ҳәм гуманитар бирге ислесиўди раўажландырыўды, терроризм, диний экстремизм, нәшебентлик затлар ҳәм қурал-жарақ контрабандасына қарсы биргеликте гүресиў, аймақлық қәўипсизлик ҳәм турақлылықты беккемлеў мәселелери сөйлесилди.

Мәмлекет басшылары ШБШниң соңғы саммитинде келисилген мәселелер – шөлкемге ағза мәмлекетлер ортасында саўда-экономикалық, илимий-техникалық, социаллық-мәдений, гуманитар ҳәм транспорт тараўларындағы байланысларды раўажландырыўға байланыслы кең көлемдеги мәселелерди көрип шықты.

ШБШниң 2025-жылға шекем раўажланыў стратегиясын әмелге асырыў бойынша 2016-2020-жылларға белгиленген ҳәрекетлер режесин тастыйықлаў ҳаққындағы қарар, ШБШға ағза мәмлекетлердиң туризм тараўындағы бирге ислесиўин раўажландырыў бағдарламасы ҳәм басқа ҳүжжетлер атқарылыўына итибар қаратылды.

 

Фото: «ПМ.кз»

скачать dle 10.6фильмы бесплатно



  • 9-06-2017, 14:30 |
  • 700