Жер дүзиў ҳәм көшпес мүлк кадастры кәрханаларының жумысы жетилистириледи

Жер дүзиў ҳәм көшпес мүлк кадастры кәрханаларының жумысы жетилистириледи

 

Өзбекистан Президенти Шавкат Мирзиёевтың «Жерлерди қорғаў ҳәм олардан ақылға уғрас пайдаланыў бағдарында қадағалаўды күшейтиў, геодезия ҳәм картография жумысын жетилистириў, мәмлекет кадастрлары жүритиўди тәртипке салыў илажлары ҳаққында»ғы пәрманы тастыйықланды. Ҳүжжет тексти ЎзА да жәрияланды.

Жерден пайдаланыў жағдайының анализи соны көрсетеди, жерлерден пайдаланыўда турақлы мәмлекет қадағалаўын тәмийинлеў, заманагөй технологияларды енгизиў, сондай-ақ, жер ресурсларын системаластырылған ҳалда есапқа алыў ислери жетерли дәрежеде нәтийжели болмай атыр, делинген пәрманда.

Пәрманда Өзбекистан Республикасы Жер ресурслары, геодезия, картография ҳәм мәмлекет кадастры мәмлекетлик комитетиниң тийкарғы ўазыйпалары ҳәм жумыс жөнелислери белгилеп берилген.

Пәрманға муўапық районлардың (қалалар) жер дүзиў ҳәм көшпес мүлк кадастры мәмлекет кәрханалары Қарақалпақстан Республикасы, ўәлаятлар ҳәм Ташкент қаласы жер дүзиў ҳәм көшпес мүлк кадастры мәмлекет кәрханаларының филлиаллары етип, қайта шөлкемлестириледи.

Топырақтаныў ҳәм агрохимия илимий-изертлеў институты Өзбекистан аўыл хожалығы илимий-ислеп шығарыў орайы қурамынан Өзбекистан Республикасы Жер ресурслары, геодезия, картография ҳәм мәмлекет кадастры мәмлекет комитети қурамына өткериў ҳаққындағы усыныс мақулланған.

Өзбекистан Республикасы Финанс министрлиги, Экономика министрлиги ҳәм Өзбекистан Республикасы Жер ресурслары, геодезия, картография ҳәм мәмлекет кадастры мәмлекет комитетиниң усынысына муўапық, Жер қатнасықлары ҳәм мәмлекет кадастрларын раўажландырыў фонды шөлкемлестириледи.

Пәрман текстинде фонд қаржыларының тийкарғы дереклери қай жерлерден қәлиплестирилиўи ҳәм ол нелерге сарпланыўы санап өтилген.

 

Фото: «smr-ts»

скачать dle 10.6фильмы бесплатно



  • 2-06-2017, 09:33 |
  • 401