Шавкат Мирзиёев Өзбекистанда сиясий баспана бериў тәртиби ҳаққындағы Нызамды тастыйықлады

 

Шавкат Мирзиёев Өзбекистанда сиясий баспана бериў тәртиби ҳаққындағы Нызамды тастыйықлады

 

Өзбекистан Президенти Шавкат Мирзиёев өз пәрманы менен Өзбекистан Республикасында сиясий баспана бериў тәртиби ҳаққындағы Нызамын тастыйықлады. Бул ҳаққында мәмлекет басшысының рәсмий сайтында хабар берилген

 

Бул ҳүжжетте Ишки ислер министрлиги Финанс министрлиги ҳәм Өзбекистан Республикасы Министрлер Кабинети жанындағы Мәмлекет персоналластырыў орайы менен биргеликте 2 ай мүддетте Өзбекистан Республикасында сиясий баспана бериў ушын мүрәжат еткен шет ел пуқаралары ҳәм пуқаралығы болмаған шахслардың биометрикалық мағлыўматлар базасын қәлиплестириў бойынша белгиленген тәртипте усынысты киритиў белгиленген.

 

Мағлыўмат ушын, Конституцияның 93-статьясында Өзбекистан Республикасы Президентиниң ўәкилликлери белгиленген болып, 22-бәнтине муўапық, ол «Өзбекистан Республикасының пуқаралығына ҳәм сиясий баспана бериўге байланыслы мәселелерди шешеди».

 

Бундай статус халық аралық ҳәм миллий нызамшылықта ҳукықбузарлық сыпатында көрилмейтуғын ҳәрекетлери ушын өз елинде қуўдаланып атырған шахсларға усынылады.

 

Сиясий баспана усыныўды сорап берилген арза 1 жыл мүддет ишинде көрип шығылады.

 

Фото: kun.uz

скачать dle 10.6фильмы бесплатно



  • 31-05-2017, 16:26 |
  • 260