Импортты оптималластырыў ҳәм экспортты хошаметлеў - экономика турақлығының тийкары

Бүгинги күнде мәмлекетимиз эканомикасын турақлыластырыў бойынша зәрүр реформалар әмелге асырылмақта. Бәсекеликке турақлы ѳнимлер ислеп шығарыў ҳәмде оларды экспорт қылыў ушын зәрүр шәраят ҳәм имканиятлар жаратылмақта.

Мәмлекетимиз басшысы тәрепинен экспортты кѳбейттириў ҳәм импортты қысқартырыў бойынша қойылған ўазыйпалар орынланыўы бойынша Қарақалпақстан Республикасында системалы ислер әмелге асырылмақта.

Атап айтқанда, Қарақалпақстан Республикасына кѳп муғдарда импорт қылынып атырған айрым түрдеги ѳнимлерди ѳзимизде ислеп шығарыў иләжларын кѳриў ҳәм бул тараўда пайда болған тосықлар, жүзеге келип атырған машқалалар ҳәмде усынысларды қәлиплестириў бойынша Өзбекстан Республикасы Президенти жанындағы Исбилерменлик субъектлериниң ҳуқықлары ҳәм нызамлы мәплерин қорғаў бойынша ўәкил аппаратының Қарақалпақстан Республикасында хызмет кѳрсетиўши хызметкерлери, Қарақалпақстан Республикасы Министрлер Кеңеси, Инвестиция ҳәм сыртқы саўда министрлиги, Экономика ҳәм санаат министрлиги, Орайлық банктиң Қарақалпақстан Республикасы бас басқармасы, Мәмлекетлик салық ҳәм бажыхана басқармалары жуўаплы хызметкерлеринен ибарат исши топар дүзилген.

Исши топар тәрепинен Қарақалпақстан Республикасында исбилерменлик хызмети менен шуғылланыўшы исбилерменлик субъектлери, сол қатарда ислеп шығарыўшы ҳәм импорт қылыўшы кәрханалар баслықлары менен турақлы рәўиште ушырасыўлар ѳткерилип келинбекте.

Нәўбетдеги усы темада ѳткерилген ушырасыўларда 10 ислеп шығарыўшы исбилерменлерге импорт орнын басыўшы ѳнимлер кѳлеми, сыпаты ҳәм бәсекеге турақлылығын асырыў, кѳп импорт қылынып атырған товарларды мәмлекетмизде ислеп шығарыў бойынша олардың алдағы хызметинде зәрүр болған әмелий усныслар берилди.

Соның менен бирге, импортты әмелге асырыўшы
12 исбилерменлер менен ушырасыўлар ѳткерилип, сырттан импорт қылынған товарларды мәмлекетмизде ислеп шығарыў хызметин жолға қойыў ҳәмде оларды әмелге асырыўы бойынша тийисли усыныслар берилди ҳәм олардың бул бағдардағы усыныслары тыңланды.

Өткерилген ушырасыўларда Республикамызға әсиресе азық-аўқат ѳнимлеринен май, сүт, сыр ҳәм макорон ѳнимлери ҳәмде азық-аўқат емес ѳнимлеринен музлатқыш, суўытқыш, кир жуўыў машиналары, жуўыў ҳәм тазалаў қураллары импорт қылынып атырғанлығынан келип шығып, усы тараўларда хызмет кѳрсетиўши исбилерменлерге жергиликли ислеп шығарыўды раўажландырыў бойынша анық жойбарларды әмелге асырыўға ҳәр тәреплеме кѳмек берилиўи белгиленди.

Исбилерменлик субъектлери менен ѳткерилген ушырасыўлар даўамында кәрханалар баслықларына жергиликли ислеп шығарыў кѳлемлерин кѳбейттириў, ѳнимлер түрлерин ҳәм кооперацион байланысларды кеңейттириў, ѳнимлер, товарлар ҳәм хызметлер импортын оптималластырыў бойынша түсиниклер берилип, машқалалары тыңланды ҳәм олардың айрымлары исши топар ҳәм тийисли мәкемелер менен биргеликте орынларда шешилиўи тәмийинленди.

 

Өзбекстан Республикасы Президенти жанындағы

Исбилерменлик субъектлериниң ҳуқықлары ҳәм нызамлы

мәплерин қорғаў бойынша

ўәкил аппаратының Қарақалпақстан Республикасындағы

бас инспекторы Б.С.Даулетияров

 

скачать dle 10.6фильмы бесплатно



  • 29-10-2019, 10:59 |
  • 210