27-майдан баслап 28-декабрьге шекем Өзбекистан ҳәм Қазақстан ортасындағы поезд қатнаўы баҳасы арзанласады

27-майдан баслап 28-декабрьге шекем Өзбекистан ҳәм Қазақстан ортасындағы поезд қатнаўы баҳасы арзанласады

 

Қазақстан ҳәм Өзбекистан ортасындағы поезд қатнаўы баҳасы арзанласыўы ҳаққында «Жолаўшылар тасымалы» АЖ баспасөз хызмети хабар берди, деп жазбақта Kazakhstan Today. 

 

«Жолаўшылардың талабын қанаатландырыў мақсетинде Қазақстан ҳәм Өзбекистан, сондай-ақ, Өзбекистан ҳәм Россия ортасында Қазақстан арқалы туўрыдан-туўры халық аралық қатнаўларға билетлер сатылыўы мүддетине қарап шегирмелер енгизиледи. Шегирмелер 27-майдан баслап 28-декабрьге шекем әмелде болады», - делинген баспасөз хызмети хабарында.

 

Шегирмелер муғдары төмендегише:

Купе ҳәм СВ вагон ушын: поезд жөнеп кетиўинен 45 ден 31 сутка алдын болса – 45%; 30 дан 6 сутка алдын болса -  35%.

Плацкарт вагонларда: поезд жөнеп кетиўинен 45 ден 31 сутка алдын болса – 35%; 30 дан 6 сутка алдын болса -  25%.

Бул шегирмелер Қазақстан, Өзбекистан ҳәм Россия ортасындағы халық аралық қатнаўда әмелде болады ҳәм бир мәмлекет ишиндеги ҳәрекетлениў, сондай-ақ жолаўшылардың бирлескен топарларына тийисли емес.

 

Дерек: daryo.uz, Фото: Kazakhstan Today

 

(P.S. СВ вагон – рус тилинде спальный вагон деп аталып, жабық типтеги 9 купеден ибарат ҳәм ол 18 адамға арналған. Барлық орынлар төменги болып, көпшилик СВ’лар телевизорлар менен үскенеленген)

скачать dle 10.6фильмы бесплатно



  • 24-05-2017, 17:53 |
  • 672