Евроазия экономикалық аўқамына қосылыў мәселеси: «Өзбекстан Республикасына басым болған ба, деген сораўды ҳәттеки қоймаң да» - Содиқ Сафоев

Евроазия экономикалық аўқамына қосылыў мәселеси: «Өзбекстан Республикасына басым болған ба, деген сораўды ҳәттеки қоймаң да» - Содиқ Сафоев

 

Өзбекстан Евроазия экономикалық аўқамы (ЕАЭА)на кириў имканиятларын үйрениўди баслағанына үш жыл болды, бул мәселеде ҳеш қандай басым жоқ, - деди Өзбекстан Сеанаты баслығының биринши орынбасары Содиқ Сафоев 4-сентябрь күни журналистлер менен болып өткен ушырасыўда.

“Газета.уз”дың хабар бериўинше, журналистлер менен болып өткен бул ушырасыў Россия Сенаты баслығы Валентина Матвиенконың Өзбекстанға сапары жуўмақлары мүнәсибети менен шөлкемлестирилди.

Дәл усы сапары ўақтында Матвиенко ханым Президент Шавкат Мирзиёев Өзбекстанның ЕАЭАға қосылыў мәселеси үстинде жумыс алып барып атырғанын атаған еди. Валентина Матвиенко аўқамына итималлы қосылыў артынан Ташкентке жетиўи мүмкин болған абзаллық ҳәм жоғалтыўлар анализи бойынша жумыслар 2019-жыл соңына шекем жуўмақланыўы мүмкинлигин айтып өткен еди.

«Өзбекстан Республикасына басым болған ба, деген сораўды ҳәтте қоймаң да. Өзбекстан – оған басым өткериў мүмкин болған мәмлекет емес», - деп қосымша етти Содиқ Сафоев, журналисттиң аўқамға қосылыў мәселесинде басым өткерилиўи итималы мүмкинлиги ҳаққында сораўға жуўап бергенде.

Сафоевтиң мәлим етиўинше, ҳәзир Өзбекстан тәрепи бул шөлкемге қосылыў имканиятларын үйренбекте. «Ол жерде өзине жараса кемшиликлер, сондай-ақ, абзаллықлар да бар. Ҳәр қандай интеграциялық шөлкемге қосылыў мәлим бир жуўапкеришиликтиң тапсырылыўын, бирақ соның менен бирге шөлкем шеңбериндеги айырым имканиятлардан пайдаланыў ҳуқықтың қолға киргизилиўин нәзерде тутады», - деди ол, «ҳәзирше ҳеш қандай қарар жоқ екенлиги, жумыс кетип атырғаны ЕАЭАның барлық мәмлекетлери менен мәслаҳатлесиўлер алып барылып атырған»ын қосымша етип.

Сенатордың ўәде бериўинше, ЕАЭАна қосылыў мәселеси үстинде жумыс алып барып атырған экспертлер бул мәселе бойынша бир пикир шығарғанынан соң жәмәәтшиликти бул ҳаққында хабардар етеди.

Содиқ Сафоевтың айрықша атап өтиўинше, үш жыл алдын Өзбекстанның жаңаланған – ашық, прагматикалық, көп сиясатластырылмаған ҳәм идеялогияластырылмаған сыртқы сиясатын әмелге асырыў басланған еди. Дәл усынша ўақыттан берли Өзбекстанның аймақлық шөлкемлер менен қатнасықларын қайта көрип шығыў үстинде де жумыс алып барылмақта.

«Бул дурыс ҳәрекет: регионласыў – бул глобалласыўдың бир бөлеги ҳәм мәмлекетлердиң мәплери ушын хызмет етеди. Бир неше мысал келтиремен: Өзбекстан Түркий кеңеске қосылды. Бул 25 жыл даўамында биз оннан қорққан, қашқан шөлкем. Бул шөлкемге қосылыў бойынша бизиң сегментимизде қандай да бир сенсация болғаны жоқ. Ал бирақ, өз ўақтында бул мәселе күн тәртибине де қойылмаған еди», - деди сенатор.

 

Аўдарма: makan.uz

 

скачать dle 10.6фильмы бесплатно



  • 4-10-2019, 17:38 |
  • 714