Исбилерменлик субьектлерин сапластырыў тәртиби әпиўайыластырылады

Исбилерменлик субьектлерин сапластырыў тәртибин апиўайыластырыў, сапластырыў процессин әмелге асырыўда исбилерменлик субьектлери ушын артықша қәрежетлер сарыплаўға алып келетуғын, артықша ҳәкимшилик шеклеўлерди бийкарлаў, бизнести жүритиў бойынша халықаралық рейтинг ҳәм индекслерде Өзбекстан Республикасының орнын жәнеде жақсылаў, сондай-ақ 2017-2021 жылларда Өзбекстан Республикасын раўажландырыўдың 5 бағдары бойынша Ҳәрекетлер стратегиясы,  “Жедел инвестициялар ҳәм социал раўажланыў жылы”нда әмелге асырыўға байланыслы Мәмлекетлик дәстүринде белгиленген ўазыйпаларды әмелге асырыў мақсетинде:

  1. Өзбекстан Республикасы Президенти жанындағы Исбилерменлик субьектлериниң ҳуқықлары ҳәм нызамлы мәплерин қорғаў бойынша ўәкил, Мәмлекетлик салық инспекциясы ҳәм Әдиллик министрлиги 2020-жыл 1-январдан баслап:

 финанс-хожалық хызметин әмелге асырмай атырған яки нызамшылықта белгиленген мүддетлерде өзлериниң устав фондын қәлиплестирмеген кәрханаларды сапластырыў бойынша турақлы ислеўши арнаўлы аймақлық комиссияларды сапластырыў;

Мәмлекетлик дизимнен өткен ўакыттан баслап бир жыл ишинде устав фондын (устав капиталын) шөлкемлестириў ҳүжжетлеринде нәзерде тутылған муғдарда қәлиплестирилмегенлиги ушын исбилерменлик субьектлерин сапластырыў тәртибин бийкар қылыў;

Мәмлекет органлары арасында электрон мәлимлеме алмасыўды жолға қойыў арқалы исбилерменлик субьектлерин сапластырыў процессиндеги артықша ҳүжжетлер ҳәм артықша тәртип кағыйдаларды қысқартыў ҳаққындағы усынысларға разылық берилди.

  1. 2020-жыл 1-январдан баслап усындай тәртип орнатылады, оған тийкар:

а) исбилерменлик субьектлери – юридикалық шахсларды (кейинги орынларда-кәрханалар) ыктыярый сапластырыўда:

бир яки бир неше дәўирлик баспа материялларда кәрхананы сапластырыў ҳаққында дағазалар бериў талап етилмейди, бунда тийисли мағлыўматлар дизимнен өткериўши органның рәсмий сайтына жайластырылады;

Мәмлекетлик дизимнен өткен ўакыттан баслап финанс-хожалық хызметин әмелге асырмаған ҳәмде салық қарызы жоқ болған  кәрханалардың финанс–хожалық хызмети тексерилмейди;

Мәмлекет салық хызмети органлары тәрепинен өткерилетуғын, сапластырылатуғын кәрхананың финанс-хожалық хызметин тексериўдиң ең узақ ўақты үш жылды қурайды;

финанс-хожалық хызметин тексериў ушын ўәкилликли мәмлекет органларынан кәрхана ҳаққында бар мағлыўматларды алыў Исбилерменлик субьектлерин мәмлекетлик дизимнен өткериў ҳәм есапқа қойыўдың автоматластырылған системасы арқалы әмелге асырылады;

Кәрхананы ықтыярый сапластырыўдың улыўмалық мүддети дизимнен өткериўши орган тәрепинен ықтыярый сапластырыў ҳаққында хабардар қылынған күннен баслап 6 айдан аспаўы керек;

б) Исбилерменлик субьектлери – физикалық шахслар хызметин тоқтатыўда арза бериўши тәрепинен мәмлекет салық хызмети органының салықлар ҳәм басқа мәжбүрий төлемлер бойынша қарызы жоқлығы ҳаққындағы мағлыўматнаманы алыў талап етилмейди;

в) финанс-хожалық хызметин әмелге асырмай атырған кәрханаларды сапластырыўда:

кәрхананы финанс-хожалық хызметин әмелге асырмай атырған деп есаплаў ушын тийкар болатуғын мүддет 9 айды қурайды;

финанс-хожалық хызметин әмелге асырмай атырған кәрханалар мәмлекет салық хызмети органының усыныснамасына тийкар дизимнен өткериўши орган тәрепинен 3 жыл мүддетке ҳәрекетсиз режимге қойылады;

Ҳәректсиз режимге өткерилген кәрханалар хызмети 3 жыл даўамында тикленбеген жағдайда дизимнен өткериўши орган оларды исбилерменлик субьектлериниң бирден-бир мәмлекетлик реестринен шығарады.

 

Т.Утегенов,

Кегейли районы Мамлекетлик хызметлер орайы

жетекши кәнигеси

скачать dle 10.6фильмы бесплатно



  • 13-06-2019, 21:24 |
  • 430