Қусшылық ушын кредитлер мүддети создырылды

Қусшылық ушын кредитлер мүддети создырылды

Орайлық банк Басқарыўының қарары менен «Коммерциялық банклери» тәрепинен жеке жәрдемши хожалықларға аўыл хожалығы өнимлерин жетистириў ушын микрокредетлер ажыратып бериў тәртиби ҳаққында»ғы нызамға өзгерислер киритилди.

Оған муўапық, 100 Ең кем айлық ис ҳақы муғдарындағы микрокредитлер төмендегилер ушын бериледи:
- мийўели тереклер ҳәм жүзим нәллерин сатып алыў, балықшылық ҳәм қусшылықты раўажландырыў ушын – 1 жыллық жеңилликли дәўир менен 3 жылға шекем (алдын – мийўели тереклер ҳәм жүзим нәллерин сатып алыў ушын – 1 жыллық жеңилликли дәўир менен 3 жылға шекем);

- шарўашылық, жылқышылық, түйешилик, пал ҳәррешиликти раўажландырыў, қоян бағыў ҳәм жетистириў ушын – 6 айлық жеңилликли дәўир менен 3 жылға шекем (алдын – қарамал, қой, ешки, қоян бағыў ҳәм жетистириў ушын ушын – 6 айлық жеңилликли дәўир менен 3 жылға шекем);

- туқымшылық, минерал төгинлер, өсимликлерди химиялық қорғаў қуралларын сатып алыў ҳәм ыссыханалар қурыў ушын – 6 айлық жеңилликли дәўир менен 2 жылға шекем (алдын – туқымшылық, минерал төгинлер, өсимликлерди химиялық қорғаў қуралларын сатып алыў, ықшам ыссыханалар шөлкемлестириў, қусшылық ҳәм пал ҳәррешиликти раўажландырыў ушын – 6 айлық жеңилликли дәўир менен 2 жылға шекем);

- лимон жетистириўге арналған ыссыханалар шөлкемлестириў, писте ҳәм ғоза жетистириў ушын – 3 жыллық жеңилликли дәўир менен 5 жылға шекем (алдын – нәзерде тутылмаған).

Norma.uz эксперти түсинигинде айтылыўынша, енди микрокредитлер балықшылық, жылқышылық, түйешиликти раўажландырыў, сондай-ақ, лимон жетистириўге арналған ыссыханалар шөлкемлестириў, писте ҳәм ғоза жетистириў ушын да бериледи.

Алдын қусшылық ҳәм пал ҳәррешилигин раўажландырыў ушын микрокредит 6 айлық жеңилликли дәўир менен 2 жылға шекем берилген болса, енди қусшылықты раўажландырыў ушын 1 жыллық жеңилликли дәўир менен 3 жылға шекем, пал ҳәррешиликти раўажландырыў ушын болса 6 айлық жеңилликли дәўир менен 3 жылға шекем бериледи.

Ҳүжжет 2017-жыл 24-апрель күнинен баслап күшке кирди.

Фото: Kun.uz
скачать dle 10.6фильмы бесплатно



  • 25-04-2017, 15:44 |
  • 485