2017-жылда қандай жеңилликлер орнатылды ҳәм создырылды?

2017-жылда қандай  жеңилликлер орнатылды ҳәм создырылды?

Президенттиң «Өзбекистан Республикасының 2017-жылғы тийкарғы макроэкономикалық көрсеткишлер прогнозы ҳәм мәмлекет бюджети параметрлери ҳаққында»ғы (27.12.2016-жылдағы ПҚ-2699-санлы) Қарары менен айрықша субъектлерге салық жеңилликлери енгизилди ҳәм де енгизилингенлериниң әмел етиў мүддети создырылды.
Жеңилликлерге дүзетиў киритилди ҳәм создырылды

«JV MAN Auto – Uzbekistan» ЖШЖ 1.01.2020-жылға шекем төлеўден азат етилетуғын салықлар ҳәм мәжбүрий төлемлер дизимине анықлық киритилди, булар:
• юридикалық шахслардан алынатуғын пайда салығы;
• қосылған қун салығы;
• абаданластырыў ҳәм социаллық инфрадүзилмени раўажландырыў салығы;
• Финанс министрлиги жанындағы Республика жол фондына мәжбүрий төлемлер.
Мағлыўмат ушын: «JV MAN Auto - Uzbekistan» ЖШЖ қоспа кәрханасы Министрлер Кабинетиниң 07.08.2009-жылдағы 224-санлы МКҚ қарары тийкарында шөлкемлестирилген болып, 01.01.2017-жылға шекем мәмлекет аймағында әмел еткен барлық салықлар, сондай-ақ, Финанс министрлиги жанындағы Республика жол фондына мәжбүрий төлемлерди төлеўден азат етилген еди.
***

Сондай-ақ, төмендеги хызмет түрлерин көрсетип атырған микрофирма ҳәм киши кәрханалар ушын пайда салығы ҳәм де бирден-бир салық төлеми бойынша жеңилликлердиң әмел етиў мүддети 01.01.2020-жылға шекем создырылды:
• Аўыллық жерлерде аяқ кийим ҳәм териден таярланған буйымларды оңлаў тараўындағы хызметлер;
• Аўыллық орынларда саат оңлаў бойынша хызметлер;
• Аўыллық орынларда хожалық электрон ҳәм электр үскенелерди (телевизорлар, аудио-, видеоаппаратуралар, компьютер, принтер техникасы, музлатқышлар, кондиционерлер ҳәм басқалар) оңлаў ҳәм оларға техникалық хызмет көрсетиў бойынша хызметлер;
• аўыллық орынларда шаштәрез ҳәм гөззаллық салонлары тәрепинен көрсетилетуғын хызметлер;
• аўыллық орынларда кийим-кеншек тигиў ҳәм жамаў бойынша көрсетилетуғын хызметлер;
• жеке тәртиптеги тураржай қурылысы сыпатында қурылған, аўыл орынларда шөлкемлестирилген, кирлерди жуўыўға қабыллаў кәрханалары тәрепинен көрсетилетуғын хызметлер;
• жеке тәртиптеги тураржай қурылысы сыпатында қурылған, аўыл орынларда шөлкемлестирилген, химиялық тазалаў кәрханалары тәрепинен көрсетилетуғын хызметлер;
• билимлендириў тараўындағы хызметлер, атап айтқанда компьютерда жумыс ислеўди үйретиў;
• санаториялар, балалар саламатластырыў мекемелери, балалар спорт мекемелери ҳәм дөгереклери хызметлери;
• балалар, нәгиранлар ҳәм кексе пуқараларға қараў бойынша социаллық хызметлер;
• мәлимлеме-ресурс орайлары, мәлимлеме-китапхана орайлары, электрон билимлендириў хызметлери;
• аўыллық орынларда көрсетилетуғын компьютерда дәстүрлеў бойынша хызметлер (соның ишинде, мәсләҳәт хызметлери).
Бунда пайда салығы ҳәм бирден бир салық төлемин төлеў бойынша жеңилликлер микрофирмалар ҳәм киши кәрханалардың барлық дәраматларына әмел етеди, егер жеңиллик нәзерде тутылған хызмет түрлерин көрсетиўден олар алған дәраматлар улыўма түсим көлеминиң 80 ҳәм оннан көп процентин қураса.
Әҳмийетли! Лизинг, қамсызландырыў, бухгалтерия есабын жүритиў, микрокредитлеў, сондай-ақ аудиторлық, риэлторлық ҳәм ветенария хызметлерин көрсетиўши кәрханалар ушын жеңиллилкер создырылмаған.
***

2011-2016-жылларда жоқары оқыў орынларының материаллық-техникалық базасын модернизациялаў ҳәм қәнийгелер таярлаў сапасын түптен жақсылаў дәстүри шеңберинде Министрлер Кабинети тастыйықлайтуғын дизимлер бойынша алып келинетуғын заманагөй оқыў-лаборотория ҳәм компьютер үскенелери, илимий-методикалық әдебиятлар 31.12.2017-жылға шекем бажыхана төлемлеринен (бажыхана жыйымлары буған кирмейди) азат етилген.
Усының менен, көрсетип өтилген жеңилликтиң әмел етиў мүддети және бир жылға создырылды.
***

01.01.2019-жылға шекем төмендегилерден азат етиў бойынша жеңилликлер создырылды:
• ғалаба хабар қураллары редакциялары ҳәм басылымлар социаллық-сиясий ҳәм де балалар әдебияты, имканияты шекленген шахслар (көзи әззилер, қулағы еситпейтуғынлар, сөйлей алмайтуғынлар ҳәм басқалар) ушын әдебиятларды сатыўдан алынатуғын пайдадан пайда салығын ҳәм де абаданластырыў ҳәм социаллық инфрадүзилмени раўажландырыў салығын төлеў;
• редакциялар, басылымлар ҳәм баспаханалар ҒХҚның өнимлери, китап өнимлерин сатыўдан ҳәм олардың нусхаларын көбейтиў бойынша хызметлерден алынатуғын дәраматлар бөлегинде Финанс министрлиги жанындағы Республика жол фондына ҳәм де Билимлендириў ҳәм ден саўлықты сақлаў мекемелерин реконструкциялаў, толық оңлаў ҳәм үскенелеў фондына мәжбүрий ажыратпаларды төлеў;
• Министрлер Кабинети тәрепинен тастыйықланатуғын дизим бойынша ҒХҚ ҳәм китап өнимлерин ислеп шығарыў ушын ҒХҚ редакциялары, басылымлар, телерадиоеситтириў компаниялары ҳәм полиграфия шөлкемлери тәрепинен алып келинетуғын қағаз, полиграфия материаллары ҳәм мәлимлеме сақлаў қурылмалары, үскенелер бажыхана төлемлери (бажыхана жыйымлары буған кирмейди).
***

Ҳүкимет тәрепинен тастыйықланатуғын дизимлер бойынша шет тиллерин үйретиў бойынша илажларды әмелге асырыў шеңберинде мәмлекетлик билимлендириў мекемелериниң материаллық-техникалық базасын беккемлеў ушын алып келинетуғын компьютер техникасы, арнаўлы әсбап-үскенелер ҳәм инвентарларды бажыхана төлемлеринен (бажыхана жыйымлары буған кирмейди) азат етиў бойынша жеңиллик 01.01.2018-жылға шекем создырылды.
***

Миллий реестрға киритилген дәстүрий тәмийнат ислеп шығарыўшылары ушын төмендегилерди төлеўден азат етиў көринисиндеги жеңилликлер 01.01.2020-жылға шекем создырылды:
• Финанс министрлиги жанындағы Республика жол фондына ҳәм де бюджеттен тысқары Билимлендириў ҳәм ден саўлықты сақлаў мекемелерин реконструкциялаў, толық оңлаў ҳәм үскенелеў фондына барлық түрдеги салықлар ҳәм мәжбүрий ажыратпалардан;
• Финанс министрлиги тәрепинен тастыйықланатуғын дизимлер бойынша өз мүтәжликлери ушын алып келинетуғын, мәмлекетимизде ислеп шығарылмайтуғын әсбап-үскенелер, оңлаўшы бөлеклер, деталлар, узеллер, технологиялық ҳүжжетлер, дәстүрий тәмийнат бажыхана төлемлеринен (бажыхана жыйымлары буған кирмейди).
***

Тастыйықланған дизимге киритилген, Ден саўлықты сақлаў министрлиги ушын алып келинетуғын қурамында сол қатары фолий кислотасы бар болған улыўма қуўатландырыўшы поливитаминлер арнаўлы комплекслерин бажыхана төлемлеринен (бажыхана жыйымлары буған кирмейди) азат етиў бойынша жеңиллик 01.01.2020-жылға шекем создырылды.
***

Мағлыўмтлар norma.uz сайтынан алынды.

Фото: Norma.uzскачать dle 10.6фильмы бесплатно



  • 7-01-2017, 09:14 |
  • 408