Айырым химия санааты кәрханаларындағы мәмлекетлик үлеси жеке инвесторларға сатылады

Өзбекстан Республикасында химия санаатын жедел раўажландырыў ис-илажлары ҳаққындағы Президент қарары қабыл етилди. Бул ҳаққында Әдиллик министрлиги хабар берди.

Қарарға муўапық 2018-2030-жылларда химия өнимлери ислеп шығарыўды 4,5 есесине асырыў,  Ўзкимёсаноат” АЖ искерлигинде ислеп шығарыў қуўатларын кеңейтиў ҳәм модернизациялаў, басқарыўда заманагөй усылларын енгизиў бойынша «Жол картасы» тастыйықланды.

Инвестициялық жойбарларды әмелге асырыўды жетилистириў мақсетинде:

 - “Фарғонаазот” АЖ ҳәм “Қўқон суперфосфат заводи” АЖны сырт ел инвесторларына сатыў мақсетинде 2018-жыл 30-декабрге шекем усы жәмийетлердиң активлери ғәрезсиз баҳаланады;

 - Сырдәрья ўәлаяты Янгиер қаласында аммиак ҳәм карбамид ислеп шығарыў заводын қурыў бойынша химия тараўында тәжрийбеге ийе сырт ел компаниясы менен айрықшалық ретинде туўрыдан-туўры сөйлесиўлер тийкарында шәртнама дүзиледи;

 - Наўайы ўәлаятында фосфорлы төгинлер  ислеп шығарыў комплексин қурыў бойынша 2019-жыл август айына шекем сырт ел шөлкеми тәрепинен инвестициялық жойбарларды әмелге асырыў концепциясы ислеп шығылады;

 - “Самарқандкимё” АЖ, “Электркимёзавод” ҚК АЖ ҳәм “Жиззах пластмасса” АЖның  устав капиталындағы мәмлекетлик үлеси ҳәм “Ўзкимёсаноат” АЖ үлеси, сондай-ақ, “Фарғонаазот” АЖның устав капиталындағы мәмлекетлик үлеси жеке инвесторларға базар баҳасында сатылады;

 - “Ўзкимёсаноатлойиҳа” АЖның устав капиталындағы мәмлекетлик үлеси номинал баҳада ҳәм “Навоий КМК” ДКның Қизилқум фосфорит комбинаты мүлк комплекси қалдық баланс баҳасында “Ўзкимёсаноат” АЖ устав капиталына мәмлекетлик үлеси сыпатында киргизиледи;

 - “Фарғонаазот” АЖның 3-санлы санаат майданшасындағы улыўмалық майданы 6,5 гектар болған пайдаланбай атырған объектлер (цехлар, объектлер ҳәм оларға тутас аймақлары менен) “ноль” баҳада сатылады;

 - 2020-жылдан баслап “Ўзкимёсаноат” АЖ қурамына кириўши акционерлик жәмийетлери тәрепинен жыллық финанслық есабатлар жәриялаў ҳәм оларды Халықаралық аудит стандартлары ҳәм Халықаралық финанслық есабатлар стандартларына муўапықлығы бойынша сырқы аудиттен өткериў тәртиби енгизиледи.

 

скачать dle 10.6фильмы бесплатно



  • 26-10-2018, 16:46 |
  • 516