Мийўе-палызлар экспорты әпиўайыластырылды

Мийўе-палыз өнимлерин сыртқы базарларға шығарыў нәтийжелигин асырыўға байланыслы қосымша ис-илажлар ҳаққында Өзбекстан Республикасы Президентиниң қарары қабыл етилди.

 - Қарарға муўапық:

 - юридикалық шахслар – мийўе-палыз өнимлери экспорт қылыўшылары мийўе-палыз өнимлери экспортын дәслепки төлемсиз, аккредитив ашпастан, банк кепиллигин рәсмийлестирместен ҳәмде экспорт шәртнамасын сиясий ҳәм коммерциялық қәўиплерден қамсызландырыў полисисыз әмелге асырыў ҳуқықына ийе;

 - мийўе-палыз өнимлери экспортынан түсимлерди өз ўақтында тәмийинлемеген мийўе-палыз өнимлери экспорт қылыўшылары мийўе-палыз өнимлерин экспорт қылыўда 100 процентлик алдыннан төлеп алыў талаплары оларға қолланған ҳалда ҳақ емес мийўе-палыз өнимлери экспорт қылыўшылар реестрине киргизиледи;

 - исбилерменлик субъектлери көтере саўда етиў лицензиясына ийе болмастан мийўе-палыз өнимлери экспортын әмелге асырыў ҳуқықына ийе. Бунда экспорт түсимлери бирден-бир салық төлеми төлениўин нәзерде тутыўшы салыққа тартыў тәртиби қолланылады;

 - экспорт қылынатуғын мийўе-палыз өнимлери бажыхана көригинен өткерилмейди;

 - исбилерменлик субъектлери өзлерине ажратылған жер участкаларында мийўе-палыз өнимлерин тиккелей оларды жетистириў орынларында суўғарыў, таярлаў ҳәм сақлаў бойынша инфрадүзилме объектлери қурыў ушын жеңил конструкцияларды қурыў бойынша қурылыс-монтаж жумыслары әмелге асырыўы мүмкин.

 - Қарарға муўапық Өзбекстан мийўе-палыз өнимлерин экспорт етиўши бирлеспеси шөлкемлестириледи.

 - Буннан тысқары, “Global GAP”, “Halal” ҳәм “Organic” стандартлары талапларына муўапықлыққа сертификатластырыў бойынша халықаралық тән алынған шөлкемлер менен бирге ислесиў орнатылады.

 - 2019-жыл 1 мартға шекем:

 - интернет тармағында “TradeUzbekistan.com” электрон саўда майданшасы ҳәмде экспорт процессиниң бәрше басқышларын реал ўақыт режиминде бақлаў имканиятын бериўши мийўе-палыз өнимлерин экспорт қылыўшылар мәлимлеме порталы жаратылады;

 - мәмлекетте “Global GAP”, “Halal” ҳәм “Organic” стандартлары талапларына муўапық мийўе-палыз жетистириўши жергиликли кәрханаларды сертификатлаў бойынша қәнигелерди таярлаў шөлкемлестириледи.

 - Қарар менен аймақларда жергиликли ҳәкимият ҳәм мәмлекетлик органлар мийўе-палыз өнимлери экспортына тосқынлық қылғаны ушын жеке жуўапкер етип белгиленеди.

 

Дерек: Әдиллик министрлиги

скачать dle 10.6фильмы бесплатно



  • 19-10-2018, 15:52 |
  • 155