Банк хызметкерлери пуқаралардың үйлерине барып оларға бизнес ашыў ушын кредитлер усынады

Банк хызметкерлери пуқаралардың үйлерине барып оларға бизнес ашыў ушын кредитлер усынады

Коммерциялық банклер жыл даўамында «Пуқараларды исбилерменлик тараўына қызықтырыў» комплекс илажлары бойынша жумысларды әмелге асырады, деп хабар берген Өзбекистан Орайлық банкиниң баспасөз хызмети «Газета.uz»ға .
Халықты исбилерменликке қызықтырыў ушын банк филиалларының жуўаплы хызметкерлери пуқаралардың үйлерине барады. Қәнийгелер жеке бизнес ашыў ушын кредитлер ажратыў, оларды бериў шәртлери ҳәм басқалар ҳаққында мағлыўматлар усынады.
Кредит алыўға қызығыўшылық билдирген пуқараларға үлги жойбарлар, ҳүжжетлерди рәсмийлестириў бойынша мәсләҳәтлер берилип, қысқа мүддетлерге қаржылар усынылады.
Банклер төмендеги бағдарлар бойынша кредитлер береди:
• шарўашылық;
• қусшылық;
• пал ҳәррешилик;
• қоянларды көбейтиў;
• аўыл хожалығына байланыслы ислеп шығарыў, бағшылық ҳәм жүзимшилик;
• ыссыханалар қурыў;
• балықшылық;
• киши бизнес ушын мини цехлар;
• үйде исленетуғын жумыслар;
• өнерментшилик;
• шаштәрезлик хызметлери;
• текстиль ҳәм тигиў-трикотаж жумысы;
• аяқ кийимлерди оңлаў;
• улыўма аўқатланыў;
• хожалық техникаларын оңлаў;
• гөззаллық салоны;
• халыққа транспорт хызметлерин көрсетиў;
• автомобиль транспортына хызмет көрсетиў ҳәм оңлаў;
• автомобиллерди жуўыў;
• компьютер хызметлерин көрсетиў;
• саўда;
• наншылық;
• кондитер өнимлерин ислеп шығарыў ҳәм басқа жумыс түрлери.

Фото: ЎзА
скачать dle 10.6фильмы бесплатно



  • 6-01-2017, 10:17 |
  • 318