Қарақалпақстан ҳәм Хорезм исбилерменлерине бир қанша жеңилликлер берилди

Қарақалпақстан ҳәм Хорезм исбилерменлерине бир қанша жеңилликлер берилди

Өзбекистан Президенти Шавкат Мирзиёев 17-март күни Қарақалпақстан Республикасы ҳәм Хорезмде исбилерменлик жумысын жүргизиў ушын қосымша қолайлы шәраятлар жаратыў ҳаққындағы қарарын тастыйықлады.

Ҳүжжет аймақта «экономиканы тез пәтлер менен раўажландырыў, исбилерменлик жумысын әмелге асырыў ҳәм экспорт потенциалын кеңейтиў ушын еле де қолайлы шәраятлар жаратыў, сондай-ақ, инвестиция жойбарларын өз ўақтында ҳәм нәтийжели асырыў»ға бағдарланған.
Қарақалпақстан ҳәм Хорезмде дизимге алынған ҳәм ислеп шығарыў жумысын әмелге асыратуғын юридикалық шахслар өзлери ислеп шығарып атырған санаат товарларын экспорт қылыў бөлиминде валюта түсимин мәжбүрий сатыўдан азат етилди.
Қарақалпақстан ҳәм Хорезм исбилерменлерине бир қанша жеңилликлер берилди

Фармацевтика товарлары ҳәм препаратлары, электротехника өнимлери (кабель өткериў өнимлеринен тысқары), сондай-ақ, пардозлаў қурылыс материалларын ислеп шығарыўға қәнийгелестирилген юридикалық шахслар 2017-жыл 1-апрельден 2022-жыл 1-январға шекем мүлк салығы, жер салығы, абаданластырыў ҳәм социаллық инфрадүзилмени раўажландырыў салығы, сондай-ақ, Министрлер Кабинети жанындағы Республика жол фондына мәжбүрий ажыратпалар төлеўден азат етилди.
Есап жылы нәтийжелери бойынша сатыўдың улыўма көлеминде өнимлерди сатыўдан түсетуғын сап түсимниң үлеси 60% тен кем болмаған муғдарын қураўшы юридикалық шахслар әне усындай юридикалық шахслар қатарына киреди.

«Ўзбекистон темир йўллари» АЖға Қарақалпақстан ҳәм Хорезмде дизимнен өткен ҳәм ислеп шығарыў жумысын әмелге асырып атырған экспортёр юридикалық шахслар ушын республика шеңберинде ишки жүк тасыўға әмелдеги тариф ставкалары бойынша жүклерди Өзбекистан Мәмлекет шегараларына шекем жеткерип бериўге темир жол тарифлерин қоллаў тапсырылды. Бул ҳаққында gazeta.uz хабар бермекте.


Фото: ЎзА
скачать dle 10.6фильмы бесплатно



  • 27-03-2017, 10:41 |
  • 808