Өзбекистанда текстиль өнимлерин экспорт қылыўшы компания шөлкемлестириледи

Өзбекистанда текстиль өнимлерин экспорт қылыўшы компания шөлкемлестириледи

«Ўзбекенгилсаноат» акционерлик жәмийети қурамында арнаўлы сыртқы саўда шөлкеми - «Ўзтекстильэкспорт» жуўапкершилиги шекленген жәмийети (ЖШЖ) шөлкемлестириледи. Ол төмендеги тийкарғы ўазыйпа ҳәм бағдарларлар бойынша жумыс алып барады, деп жазды Подробно.уз сайты.
Өзбекистан Республикасы Президенти Шавкат Мирзиёевтиң қарарына муўапық, жаңа ЖШЖ жеңил санаат кәрханалары, атап айтқанда, киши ҳәм жеке исбилерменлик субъектлерине маркетинг, мәлимлеме ҳәм консальтинг хызметлерин көрсетиў, реклама жумысы жәрдеминде жеңил санаат өнимлерин экспортқа бағдарлаў, көргизбелер ҳәм дәўирли басылымларда экспорт потенциалын кең үгит-нәсиятлаў менен шуғылланады.
Сондай-ақ, бул компания жеңил санаат кәрханаларына өз өнимлерин туўрыдан-туўры шәртнамалар имзалаў ҳәм шет елде шөлкемлестирилетуғын саўда үйлери жәрдеминде экспорт кылыўға көмеклеседи.
Буннан тысқары, Өзбекистанда ислеп шығарылмайтуғын технологиялық үскенелер, аўсық бөлеклер, керекли қураллар, шийки зат ҳәм материаллар, аксессуарлар ҳәм фурнитураларды алып келиўге жәрдемлеседи.
Фото: ЎзА
скачать dle 10.6фильмы бесплатно



  • 3-01-2017, 15:54 |
  • 263