Astana Motors Өзбекстанда Hyundai автомобиллерин сатады

Қазақстанның Astana Motors компаниясы баслығы Нурлан Смағуловтың берген мағлыўматларына қарағанда, Өзбекстанда Hyundai автомобиллерин сатыў жолға қойылады, деп жазады «Kommersant.uz».

«Биз Hyundai’дың Өзбекстандағы дистрибуциясын (өнимди ислеп шығарыўшыдан тутыныўшыға жеткериў) ўазыйпасын алдық. Үлкен экономикасы, көп халқы болған қоңсы мәмлекетке кирип келиў ҳәм ол жерде Қубла Кореяның ең атақлы брендин усыныў – үлкен жуўапкершилик», - деди Смағулов Forbes Kazakhstan басылымына берген интервьде.

Astana Motors Өзбекстанның экспорт ушын өз шегараларын ашыўын бир неше жыллардан берли күтип келмекте. Компанияның машиналарды жыйнаў заводы әўел бастан қоңсы мәмлекетлерге автомобиль экспорт етиў ушын қурылған.

2017-жыл гүзде Өзбекстанда исбилерменлик тараўын реформалаў басланған. Қазақстанда ислеп шығарылған жаңа автомобиллер ушын акциз салығын олардың бажыхана баҳасының 2% муғдарына шекем кемейтилген. Hyundai’дың дәл қайсы моделлери сатылыўы ҳәзирше мәлим етилмеген.

Алдынырақ, Наманганда Hyundai жүк машиналары ҳәм автомобиллери, сондай-ақ арнаўлы транспорт қуралларын ислеп шығарыў жолға қойылыўы хабарланған еди.

Astana Motors Қазақстан базарында 11 автомобиль брендиниң (Hyundai, Subaru, BMW ҳәм MINI, Rolls-Royce, Toyota, Lexus, Jaguar Land Rover, Volvo ҳәм басқалар) ўәкили сыпатында жумыс алып барады.

Astana Motors машиналары әллеқашан Россияда сатылады, кейин ала ҒМДАның басқа мәмлекетлери менен де шерикшиликти жолға қойыўы күтилмекте, деп хабар берди daryo.uz. 

 

Аўдарма: makan.uz

 

скачать dle 10.6фильмы бесплатно



  • 2-07-2018, 20:29 |
  • 891