Қарақалпақстанда аўыл хожалығын раўажландырыў жойбарлары менен танысың

Қарақалпақстанда аўыл хожалығын раўажландырыў жойбарлары менен танысың

Қарақалпақстан Республикасы Аўыл хожалығында әмелге асырылып атырған реформалар жаңалықлар ҳәм иске асырылыўы тийис болған илажлар ҳаққында


Өзбекистан Республикасы Президенти Шавкат Мирзиеёв быйылғы жылы 20-21-январь күнлери Республикамызға болған сапарында халықтың турмыс дәрежесин буннан былай да жақсылаў мақсетинде үлкен комплексли ўазыйпаларды белгилеп берди. Усы тапсырмалардың орынланыўы бойынша Қарақалпақстан Республикасы Министрлер Кеңеси тәрепинен арнаўлы бағдарлама ислеп шығылды ҳәм район ҳәкимликлерине, министрликлерге кәрхана ҳәм шөлкемлерге жеткерилип берилди. Соның ишинде Аўыл хожалығы өнимлерин қайта ислеў ҳәм тутыныў товарларын көбейтиў бойынша ири жойбарлар ҳәм тапсырмалар белгилеп берилди. Тапсырмаларды орынлаў бойынша бир қанша жумыслар әмелге асырылмақта.

2017-жыл Бағдарламасы бойынша 913 фермер хожалығын көп тармақлы фермер хожалықларына айландырыў режеге киритилип соннан 941 жойбарды әмелге асырыў режелестирилген.

Усы Бағдарламаны орынлаў мақсетинде Қарақалпақстан Республикасы бойынша жәми 42 млрд. 338 млн. сўм қаржы ажыратылыўы, соннан 19 млрд. 720 млн. сўм банк кредити есабынан, 22 млрд. 617 млн. сўм өз қаржысы есабынан ажыратылыўы режелестирилип, 2437 жаңа жумыс орны жаратылыўы нәзерде тутылған.

Бағдарламаға муўапық 2017-жылда 85 фермер хожалығында 156 га майданда интенсив бағлар, 162 фермер хожалығында 230,7 гектар майданда жүзим бағларын жаратыў, 176 фермер хожалығында 3226 бас қарамал бағыў, 90 фермер хожалықта 60 мың 724 бас таўық ҳәм шөжелер, 83 фермер хожалығында 587 мың 750 дана шабақ бағыў, 44 фермер хожалығында 724 палҳәрреси уяларын шөлкемлестириў, 4 фермер хожалығында қуўатлылығы 305 тонна гөш өнимлерин, 5 фермер хожалықта 870 тонна сүт өнимлерин қайта ислеў, 4 фермер хожалықда 240 тонна мийўе палыз өнимлерин қайта ислеў, 7 фермер хожалықта нан ҳәм нан өнимлерин қайта ислеў (кондитер) техникаларын қурыў, музлатқышлар, теплицалар қурыў, сервис хызметлерин жаратыў ҳәм т.б. жойбарларды әмелге асырыў нәзерде тутылған.

Қарақалпақстан Республикасы Министрлер Кеңеси Мәлимлеме хызмети


Фото: ЎзА
скачать dle 10.6фильмы бесплатно



  • 16-03-2017, 18:52 |
  • 652