Бир күнде 5 тонна шығындыны қайта ислеп, пайдалы өнимге айландырып атырған қарақалпақ исбилермени

Қарап турсаңыз, буннан 15-20 жыл алдын Нөкис қаласының өзинде кеўил ашар, саўда орынларын ушыратыў жекке сийрек болған болса, ҳәзир адым жерде. Демек, дәўирдиң өзи халықтың көзин ашып атырған екен, Президентимиз тәрепинен қабыл етилип атырған исбилерменликти жедел раўажландырыў бойынша әҳмийетли ҳүжжетлер басланған ислерге еле де пәт бағышламақта.

Бир күнде 5 тонна шығындыны қайта ислеп, пайдалы өнимге айландырып атырған қарақалпақ исбилермени

 

«Мустанаб-Ҳилол» жуўапкершилиги шекленген жәмийетине басшылық етип атырған Рашид Қартбаевтың басшылық ететуғын кәрханасы толығы менен шығындыларды қайта ислейди. Онда текстиль шығындылар қайта исленип, суйық гүлқағазлар таярланады, полиэтилен ҳәм полипропилен шығындылардан гранула алынады, черепица, пластмасса қубырлар, целлофан пакетлер ислеп шығарылады, тасланған сүйеклерден ун таярланады. Сондай-ақ, жарамсыз деп тасланған шиналар менен гүзде тереклерден түскен жапырақлар да адамзат ийгилигине жумсалмақта.

Исбилермен өткен жылдан баслап шошқа бағыў арқалы қаладан шығып атырған жуўындыларды да пайдалы иске асырмақта.

Рашидти қаланың санитары десек, ҳақыйқатты айтқан боламыз. Себеби ол бир күнде 5 тонна шығындыны қайта ислеп, пайдалы өнимге айландырмақта.

Бүгинги күнде мәмлекетимизде шығындыларды қайта ислеў мәселесине айрықша итибар қаратылып атырғанын есапқа алсақ, шығындыларды енди бурынғыдай қала шетине шығарып таслаў, өртеп жибериў яки көмип таслаў арқалы жоқ етиў емес, ал оны турмысқа пайдалы нәрсеге айландырыў зәрүр. Оның ушын Рашид қусаған исбилерменлер қатары көбейе жақсы болар еди.

Бир күнде 5 тонна шығындыны қайта ислеп, пайдалы өнимге айландырып атырған қарақалпақ исбилермени

 

Бир күнде 5 тонна шығындыны қайта ислеп, пайдалы өнимге айландырып атырған қарақалпақ исбилермени

 

Бир күнде 5 тонна шығындыны қайта ислеп, пайдалы өнимге айландырып атырған қарақалпақ исбилермени

 

Бир күнде 5 тонна шығындыны қайта ислеп, пайдалы өнимге айландырып атырған қарақалпақ исбилермени

 

Қуўат Тәжимуратов,

Экология ҳәм қоршаған орталықты қорғаў комитети Қараөзек районы инспекторы

 

скачать dle 10.6фильмы бесплатно



  • 19-05-2018, 13:03 |
  • 477