Рухсат бериўши процесслерди қысқартыў усынылмақта

Лицензия ҳәм рухсат бериўши процесслерди қысқартыў ҳәм әпиўайыластырыў ҳаққындағы ҳүкимет қарары жойбары жәрияланды.
Рухсат бериўши процесслерди қысқартыў усынылмақта

Өзбекистан Әдиллик министрлиги ҳүкиметтиң лицензия ҳәм рухсат бериўши процесслерин қысқартыў ҳәм әпиўайыластырыў ҳаққындағы қарары жойбарын жәрияланды. Ҳүжжет Президенттиң 5-октябрьдеги исбилерменлик жумысларының жедел раўажланыўын тәмийинлеўге, жеке мүлкти ҳәр тәреплеме қорғаў ҳәм исбилерменлик орталығын сапа жағынан жақсылаўға байланыслы илажлар ҳаққындағы пәрманы орынланыўы бойынша ислеп шығылды.
Қарар жойбары 2017-жылдың 1-апрелинен лицензиялаўшы жумыс түрлери ҳәм исбилерменлик жумысы тараўында рухсат бериўши процесслерди бирлестириў жолы менен бийкарланыўшы процесслер дизими, сондай-ақ, 1-июльдан лицензиялар ҳәм рухсат бериўши характерге ийе ҳүжжетлерди рәсмийлестириў мүддети қысқаратуғын жумыс түрлери дизими усынылмақта.
1-июльдан баслап айрықша жумыс түрлерин лицензиялаў бойынша ўазыйпаларды Министрлер Кабинетинен тийисли мәмлекет органларына өткериў режелестирилмекте. Буннан тысқары, егер лицензиялаўшы орган арзаны көрип шығыў мүддети даўамында лицензия бермесе ямаса оны бериўден бас тартпаса, ондай жағдайда мүрәжат етиўши лицензиялаўшы органды жазба түрде ескерткен ҳалда лицензия алыўды мақсет еткен жумыс түрин әмелге асырыў ҳуқықына ийе болады.
Қарар жойбары додалаўы 2017-жыл 11-январьға шекем даўам етеди.

Фото: Муқимжон Қодиров / ЎзА
скачать dle 10.6фильмы бесплатно



  • 31-12-2016, 13:35 |
  • 350