Әмиўдәрья арқалы өтетуғын жаңа көпирлер ашылды

Әмиўдәрья арқалы өтетуғын жаңа көпирлер ашылды

Өзбекистан Президенти Шавкат Мирзиёев ҳәм Түркменистан Президенти Гурбангули Бердимуҳамедов 7-март күни Әмиўдәрья арқалы өтетуғын жаңа Түркменабад-Фароб темир жол ҳәм автомобиль көпирлерин ашты. Еки мәмлекет басшылары лента кесип, еки тәреплеме транспорт магистралын кесип өткен биринши жолаўшылар болды, деп хабар бермекте Түркменистан Мәмлекетлик мәлимлеме агентлиги.

Әмиўдәрья арқалы өткен көпирлер Азия-Тыныш океаны аймағы ҳәм Қубла Азия мәмлекетлери жүклерин Каспий теңизи, соң Қара теңиз ҳәм Орта Жер теңизи аймағы арқалы Европа, Кавказарты, Жақын ҳәм Орта Шығысқа туўрыдан-туўры алып шығыў жолын ашады.
Темир жол көпириниң узынлығы 1750 м болып, оның қурылысында жүдә аўыр салмақтағы жүк поездин есапқа алған ҳалда жер қозғалысына шыдамлылығы ҳәм эксплуатация беккемлилиги тәмийинленген конструкциялар қолланылған.
Әмиўдәрья арқалы өтетуғын жаңа көпирлер ашылды

Төрт қатарлы автомобиль көпириниң кеңлиги 21,5 м қурайды. Көпирдиң ҳәр еки тәрепинде 1,5 м енликте пиядалар жолы бар.
Көпирлер ашылғаннан кейин биринен Өзбекистан тәрепинен темир жол қурамы, екиншисинен Түркменистан тәрепинен Өзбекистанға түркмен карбамиди, тоқымашылық ҳәм басқа өнимлер тийелген жүк машиналары кәрўаны өтти, деп хабар бермекте gazeta.uz.

Фото: ЎзА, tdh.gov.tm.
скачать dle 10.6фильмы бесплатно



  • 8-03-2017, 16:07 |
  • 1 128