Темир жол транспортында жолаўшылар ҳәм жүклерди тасыў искерлигин лицензиялаў тәртиби белгиленди

Жергиликли ҳәм халықара жөнелислер бойынша темир жол транспортында жолаўшыларды ҳәмде жүклерди тасыў искерлигин лицензиялаў тәртибин жетилистириў ис-иләжлары ҳаққындағы Ҳүкимет қарары (МК қарары–278, 09.04.2018-ж.) қабыл етилди.

Қарарға муўапық:

 -  жергиликли ҳәм халықара жөнелислер бойынша темир жол транспортында жолаўшыларды ҳәмде жүклерди тасыў искерлигин лицензиялаў Темир жолларда жүк ҳәм жолаўшылар тасыў қәўипсизлигин қадағалаў мәмлекетлик инспекциясы тәрепинен амелге асырылады;

 -  жергиликли ҳәм халықара жөнелислер бойынша темир жол транспортында жолаўшыларды ҳәмде жүклерди тасыў искерлиги тек ғана юридикалық шахслар тәрепинен әмелге асырылады;

 -  жергиликли ҳәм халықара жөнелислер бойынша темир жол транспортында жолаўшыларды ҳәм жүклерди тасыў искерлигин әмелге асырыў ҳуқықы ушын үлги (әпиўайы) лицензиялар бериледи.

Лицензия талапгериниң арзасына муўапық, лицензия улыўма искерлик түрине ямаса оның төмендеги бөлимлерине бериледи:

 -  жергиликли жөнелисте жолаўшылар тасыў;

 -  халықара жөнелисте жолаўшылар тасыў;

 -  жергиликли жөнелисте жүклер тасыў;

 -  халықара жөнелисте жүклер тасыў;

Лицензия бес жыл мүддетке бериледи. Лицензия талапгериниң арзасына муўапық лицензия бес жылдан кем болған мүддетке берилиўи мүмкин.

 

Дерек: Әдиллик министрлигиниң Телеграм каналы

скачать dle 10.6фильмы бесплатно



  • 10-04-2018, 11:04 |
  • 181