Өзбекстанда экспорт ўақтында нақ шет ел валютасын алыўға рухсат берилди

Өзбекстанда нақ шет ел валютада төлеў тәртиби өзгерди, деп жазады Spot. Бул Орайлық банк басқарыўы, Финанс министрлиги ҳәм Мәмлекетлик бажыхана комитетиниң 14-марттағы қарарында нәзерде тутылған.

Енди шет елдеги көргизбе ҳәм ярмаркаларда сатылған өнимлер, исбилерменлер шет еллилерге экспорт қылатуғын товар ҳәм хызметлер ушын төлем сыпатында шет ел валютасын қабыллаўына рухсат бериледи.

Алдын шет ел валютасын коммерциялық банклери кассасында қабыллаў ушын жолаўшы бажыхана декларациясы, шөлкемлестириў ҳәм басқа ҳүжжетлер талап етилетуғын еди – енди булардың ҳеш бирине қәжет жоқ.

Буған шекем төлем сыпатында шет ел валюта қабыллаў мүмкин болған орынларда (мысалы, консуллық жыйымларында) АҚШ доллары, Англия фунт стерлинги, евро, Швейцария франки ҳәм Япония иенасы көрсетилген болса, енди коммерциялық банк ықтыярына бола басқа шет ел валюталарын да қабыллаў мүмкин.

 

Аўдарма: makan.uz

скачать dle 10.6фильмы бесплатно



  • 15-03-2018, 11:40 |
  • 240