2018-жыл ушын пахта шийки заты ҳәм масақлы егинлердиң мәмлекетлик баҳалары белгиленди

Аўыл хожалығында базар механизмлерин кең  енгизиў ис-иләжлары ҳаққындағы Ҳүкимет қарары қабыл етилди, деп хабар берди Әдиллик министрлигиниң Телеграмдағы «Ҳуқықый мәлимлеме» каналында.

 - Қарар менен 2018-жыл ушын пахта шийки заты ҳәм масақлы егинлер ушын мәмлекетлик баҳасы белгилеп берилди. Мәселен, 1 тонна 1-тайпалы узын талалы пахта ушын 5 717 240 сум, 1-тайпалы бийдайдың 1 тоннасы ушын 1 230 570 сум баҳа кепилленди.

 - 2018-жыл 1-марттан баслап минерал төгинлер тек ғана биржа саўдалары аркалы реализация етиледи. Фермер хожалықлары ушын дизель жанар майы 4600 сум етип белгиленди. Жыл даўамында бул баҳа өзгермейди.

 - Ендигиден былай, пахта шийки заты ҳәм масақлы егинлер жетистириў ушын ҳәкимлер тәрепинен тастыйықланған агротехникалық иләжлар (карта) тийкарында айма-ай өним жетилиспегенше күтилип атырған өнимниң 60 пайызына шекем коммерциялық банклер тәрепинен  ашылатуғын кредит линиясы арқалы аванс бериледи.

 - Ажыратылған қаржыдан мақсетли мақсетли пайдаланыў арнаўлы исши топар тәрепинен бақлап барылады. Күтилип атырған өнимге исенимсизлик болса, тийисли дәләләтнама тийкарында пул бериў тоқтатылады.

 - Сондай-ақ, «Давергеодезкадастр» комитетине 2018-жыл 1-октябрге шекем суўғарылатуғын жерлерди жалпы хатлаўдан өткериў, хатлаў нәтийжелерине көре жер балл бонитети базасын жаңалаў ўазыйпасы жүклетилди.

 ! Пахта ҳәм масақлы егинлер жетистириў менен шуғылланыўшы фермерлер ҳәм исбилерменлик субъектлериниң нызамлы искерлигине араласыў, олардағы ресурс, техника ҳәм қуралларды басқа жумысларға тартыў қадаған етилип, буның ушын тийисли лаўазымлы шахслар жынайий жуўапкершиликке дейин болған жуўапкершиликке тартытыўы ҳаққында қатаң ескертилмекте.

скачать dle 10.6фильмы бесплатно



  • 2-03-2018, 11:35 |
  • 373