Орайлық банк ең көп валюта сатылған ҳәм сатып алынған аймақларды мәлим етти

 

Орайлық банк ең көп валюта сатылған ҳәм сатып алынған аймақларды мәлим етти

 

 

Орайлық банк өткен жылы сатылған ҳәм сатып алынған сырт ел валюта ҳаққында мағлыўматларды мәлим етти, деп хабар бермекте Sputnik басылымы.

2017-жыл сентябрь-декабрь аралығында коммерциялық банклер физикалық шахслардан 854 миллион доллар сатып алды.

«Халықтан сырт ел валютасын сатып алыў операциялары тийкарғы үлеси Ташкент — 32 %, Самарқанд — 10 %, Ферғана — 9 %, Андижан — 8 %, Наманган — 7 % туўра келеди», - деп атап өтти Орайлық банкте.

Валютаны халыққа сатыўда, Өзбекистан банклери халыққа 56 миллион доллар сатқан. Бул процесс төрт ай даўамында турақлы унамлы динамикаға ийе болды: сентябьрде — 3,9 миллион доллар, октябрьде — 11,9 миллион доллар, ноябьрде — 17,8 миллион доллар, декабрьде — 22,3 миллион доллар.

«Шет ел валютасын физикалық шахсларға сатыў көлеминиң айма-ай өсиўи, импорт етиўши жеке исбилерменлердиң рәсмий емес базардан банк секторына өтиўи менен түсиндириледи, олардың улыўма сатыўдағы үлеси 60% ямаса 33,5 миллион долларды қурайды», - деп мәлим етти Орайлық банк.

Банклерден доллар сатып алыў бойынша жетекши болған аймақлар бул: Ташкент — 48 %, Ташкент ўәлаяты — 12 %, Наманган ҳәм Ферғана — 9 %, Хорезм — 7 %.

Еслетип өтемиз, Өзбекистанда 2017-жыл 5-сентябрьден физикалық шахслар банклер арқалы валюта алмастырыў жолға қойылған еди. Валюта сатып алыныўы коммерциялық банклердиң конверсиялық бөлимлерде халық аралық төлем карталарына түсирилиўи арқалы әмелге асырылмақта. Бул карталардан пайдаланыўда шет ел мәмлекетлеринде ҳеш қандай шеклеўлер жоқ.

 

Аўдарма: makan.uz

скачать dle 10.6фильмы бесплатно



  • 19-01-2018, 16:20 |
  • 666