Президент барлық түрдеги товарлар бойынша экспорт бажларын бийкарлады

Президент Шавкат Мирзиёевтиң 15-декабрьдеги пәрманына муўапық барлық түрдеги товарларға экспорт бажыхана бажлары ҳәм товарларды экспорт қылыўды лицензиялаў бийкарланды. Бул ҳаққында kun.uz хабар бермекте.

Мәмлекет басшысы 15-декабрь күни «Экспортты хошаметлеў ҳәм жергиликли товарлардың базарлардағы бәсекиге шыдамлылығын арттырыў бойынша қосымша илажлар ҳаққында»ғы пәрманға қол қойды.

Ҳүжжетте барлық түрдеги товарларға экспорт бажыхана бажлары ҳәм товарларды экспорт қылыўды лицензиялаўды бийкарлаў нәзерде тутылған, нызам ҳүжжетлеринде нәзерде тутылған айырым товарлар буған кирмейди.

Буннан тысқары, өз өнимлерин экспорт қылыўшы барлық мүлкшилик формасындағы кәрханаларға шет елде сыртқы базарларды маркетинг изертлеў ҳәм өз өнимлерин реклама қылыў ушын саўда ҳәм ўәкилханаларын ашыўға рухсат берилди.

Олар консигнация шәртлеринде товарларды жеткерип бериўлери мүмкин, нызам ҳүжжетлеринде нәзерде тутылған айырым товарлар буған кирмейди.

 

Ҳүжжеттиң толық тексти менен усы жерде танысыў мүмкин.

 

Аўдарма: makan.uz

 

скачать dle 10.6фильмы бесплатно



  • 16-12-2017, 18:29 |
  • 377