Өзбекистан Қубла Кореяға уран жеткерип береди

Өзбекистан ҳәм Қубла Корея уран жеткерип бериў бойынша узақ мүддетли шәртнама дүзди, деп хабар бермекте Sputnik  басылымы.

Бул ҳүжжет Шавкат Мирзиёевтиң Кореяға болған сапары даўамында тастыйықланды. Ҳәзирше, шәртнаманың улыўма қуны ҳәм жеткерип берилетуғын уран муғдары хаққында хабар берилмеген. Буннан алдын Өзбекистан АҚШ пенен уран жеткерип бериў ҳаққында улыўма қуны 300 млн доллар болған 7 жыллық шәртнама тастыйықлаған еди.

Буннан тысқары, усы жылдың сентябрь айында Ҳиндистан менен де уран жеткерип бериў бағдарында сөйлесиўлер алып барылған еди.

Еслетип өтемиз, Өзбекистан ең ири уран, алтын, мыс, калий дузлары, фосфорит ҳәм каолин запаслары бойынша дүнья онлығына киреди. Экспертлер жуўмағына қарағанда, Өзбекистанда анықланған уран запаслары муғдары 190 мың тоннаны қурайды.

Бүгинги күни Өзбекистан аймағында 1 мың 931 түрли пайдалы қазылма кәнлери бар. Олардан 814 қурылыс материаллары кәнлери, 624 таза ҳәм минерал суў асты суўлары, 235 угле-водород, 152 метал, 37 таў-кән, 32 таў-химия, 30 реңли таслар ҳәм 7 көмир ҳәм жаныўшы сланец кәнлери бар.

скачать dle 10.6фильмы бесплатно



  • 23-11-2017, 13:51 |
  • 106