Автомобиль транспорты шөлкемлерине жолаўшы тасыўы ушын салық жеңилликлери

Автомобиль транспорты шөлкемлерине жолаўшы тасыўы ушын салық жеңилликлери

Президенттиң 10.01.2017-жылы «Халыққа транспорт хызметин көрсетиў ҳәм қалалар ҳәм аўылларда автобусларда жолаўшылар тасыў системасын еле де жетилистириў илажлары ҳаққында»ғы Қарары қабылланды.
Ҳүжжет пенен 2017-2021-жылларда қалалар ҳәм аўылларда автотранспорт хызметлерин еле де раўажландырыў бағдарламасы тастыйықланды, ол төмендегилерди өз ишине алады:
• 2017-2021-жыллары жолаўшылар тасыйтуғын жаңа автобус жөнелислерин шөлкемлестириўдиң мақсетли параметрлери;
• 2017-2021-жыллары жаңа автобус ҳәм микроавтобуслар сатып алыў параметрлери;
• 2017-2021-жыллары жолаўшылар автовокзаллары ҳәм автостанцияларын қурыў ҳәм де реконструкциялаў тәртиплери.
Өзбекистан автомобиль ҳәм дәрья транспорты агентлигине жолаўшыларға хызмет көрсетиў мәденияты ҳәм сапасын жақсылаўға бағдарланған комплекс әмелий илажлардың ислеп шығылыўы ҳәм системалы тийкарда әмелге асырлыўын муўапықластырыў ҳәм қадағалаў ўазыйпасы жүклетилди.
Төмендегилер агентликтиң қосымша функциялары етип белгиленди:
• Жөнелислерде жолаўшыларды тасыў транспортында хызметлер көрсетиў бойынша үлгили контрактларды ислеп шығыў ҳәм тастыйықлаў, оларда халыққа сапалы ҳәм қәўипсиз автотранспорт хызметлерин кепилликли тәмийинлеў ушын оптимал шәраятларды нәзерде тутыў;
• жолаўшылар тасыўды әмелге асырыў бойынша турақлы түрде орайластырылған мониторинг алып барылыўын тәмийинлеў, «онлайн» (GPS) режиминде аралықтан бақлаў системасын ҳәм рәсмий веб-сайт, «исеним телефонлары» арқалы халық менен пикирлесиў механизмлерин басқышпа-басқыш енгизиў;
• тасыўшылар тәрепинен жөнелислерде хызмет көрсетиў бойынша лицензия талаплары ҳәм шәртлериниң, контрактлериниң орынланыўы, жолаўшылар ҳуқықларына, белгиленген ҳәрекетлениў графиклерине, транспортта жүриў тарифлерине әмел етилиўи, нызамшылықтың, сол қатары санитария қағыйдаларының бузылыўлары ҳәм хызмет көрсетиў мәдениятының төмен болыў жағдайларына жол қоймаў бойынша системалы бақлаўды шөлкемлестириў.
2018-жыл 1-июльға шекем болған мүддетте мәмлекет органларына Нөкис қаласында ҳәм ўәлаятлар орайларында қала жолаўшылар тасыў транспортында жол кирей ушын нақ пулсыз ҳақ төлеў системасы басқышпа-басқыш енгизиў тапсырылды.
Қарар менен 2022-жылдың 1-январына шекем болған мүддетке дейин төмендегилерден азат етиў жеңилликлери нәзерде тутылған:
• сырттан алып келинетуғын ҳәм мәмлекетимизде ислеп шығарылмайтуғын, турақлы жолаўшылар тасыў жөнелислеринде бәнт болған автобуслар ҳәм микроавтобуслардың жумысы үстинен «онлайн» режиминде (GPS), сондай-ақ Министрлер Кабинети тәрепинен тастыйықланған дизим бойынша қала жолаўшылар тасыў транспортында жүргени ушын электрон төлеў системаларын аралықтан гүзетип отырыўды енгизиў ушын арналған үскенелер, механизмлер, материаллар, аўсық буйымлар бажыхана төлемлеринен (бажыхана рәсмийлестириў жыйымлары буған кирмейди);
• лизинг шөлкемлери ҳәм автомобиль транспортлары – Бағдарлама шеңберинде сатып алынатуғын микроавтобусларды Ишки ислер министрлиги органларында дизимнен өткериўде Финанс министрлиги жанындағы Республика жол фондына жыйым төлеўден;
• автомобиль транспорты шөлкемлери – жолаўшыларды қала әтирапында ҳәм ўәлаятлар ишиндеги қалалар аралық жөнелислерде (аўыллық орынларда) автобуслар ҳәм микроавтобусларда тасыў көлеми бойынша бирден-бир салық төлеминен.

Мағлыўмат ҳәм фото norma.uz дан алынды.скачать dle 10.6фильмы бесплатно



  • 26-01-2017, 11:09 |
  • 474