Импортшы гөш ҳәм ун акциз салығынан азат етилди

1-сентябрьден баслап Өзбекистан аймағына алып кирилетуғын гөш ҳәм гөш өнимлери, қус майы, шошқа майы, бийдай уны ҳәм жәниўарларды азықландырыў ушын арналған бийдай өнимлери акциз салығына тартылмайды. Бул Өзбекистан Президентиниң 15-августтағы сыртқы экономикалық жумысты тәртипке салыў ҳаққындағы қарарында нәзерде тутылған, деп хабар берди Сыртқы саўда министрлиги.

Дәл усы сәнеден баслап сары май, соя ҳәм айғабағар майлары, дәнли өнимлер (картошка, бийдай, меслин, арпа, жүўери, гречка, соя, зығыр, айғабағар), қара нан уны, қатты бийдай жармасы ҳәм ири тартылған уны, шекер қамыс, какао дәнлери, фармацевтикада пайдаланылатуғын шийки зат ҳәм жәныўарларды азықландырыў ушын айырым өнимлер ноль пайызлы бажыхана бажы қолланылады.

1-сентябрьден баслап айырым өнимлер түрлери ушын бажыхана төлемлери ставкалары кемейтиледи. Ири шақлы қара маллар, шошқа гөшлери, шошқа майы, қус майы ҳәм басқа гөш өнимлери, кофе, бийдай уны ҳәм шекер қамыс қум шекери усылар қатарынан есапланады. сондай-ақ, айғабағар майы, шекер қамыс қум шекери ҳәм кофе ушын акциз салығы муғдары да түсириледи.

Сыртқы саўда министрлигиниң хабар етиўинше, тутыныў товарлары ислеп шығарыўшылары ушын шийки зат ҳәм материалларға бажыхана төлемлериниң кемейтилиўи миллий ислеп шығарыўшыларды ислеп шығарып атырған өнимлери өзине түсер баҳасын кемейтиўи ҳәм бәсекиге шыдамлылығын арттырыўы керек. Буннан тысқары, бул ишки тутыныў базарында баҳалардың көтерилиўин шеклеўи керек.

скачать dle 10.6фильмы бесплатно



  • 21-08-2017, 14:48 |
  • 491