Жергиликли дәри-дармақларлардың баҳасы 8-44% ке арзанласты

Жергиликли дәри-дармақларлардың баҳасы 8-44% ке арзанласты

Шекленген баҳаларда сатыўға шығарылатуғын жергиликли дәри қураллары ҳәм медициналық буйымлардың баҳасы өткен жылдың январь айы менен салыстырғанда 8 % тен 44% ке шекем төменледи. Бул ҳаққында Ден саўлықты сақлаў министрлиги Дәри қураллары ҳәм медициналық буйымлар сапасын қадағалаў Бас басқармасы баслығы Ҳабибулло Жалилов мәлим етти.
Президенттиң 2016-жыл 31-октябрьдеги «Халықты дәри-дамақлар ҳәм медицина буйымлары менен тәмийинлеўди еле де жақсылаўға байланыслы илажлар ҳаққында»ғы қарарына муўапық, 2017-жылдың 1-январынан медицинада кең қолланылатуғын 300 ден артық атамадағы социаллық әҳмийетке ийе дәри-дамрақ қураллары ҳәм медицина буйымлары ушын анық баҳалар енгизилди.
Баҳалар емлеў қураллары ҳәм халықты дәри-дармақ қураллары ҳәм медицина буйымлары менен тәмийинлеўди системалы тийкарда қадағалаў бойынша шөлкемлестирилген Республика комиссиясы тәрепинен дәри-дармақ қураллары ҳәм медицина буйымлары ушын жәҳән баҳалары конъюнктурасын анализлеў тийкарында орнатылған тәртипте ҳәр шеректе белгиленеди.
«Кейинги ўақытлары наўқасларға рецепт жазыўда орнатылған норма-қағыйдаларды бузыў, жергиликли өнимлердиң орнына, шет елде ислеп шығарылған дәри-дармақ қуралларын буйырыў жағдайлары көбейген еди. Сондай-ақ, дәриханаларда препаратлар баҳасының ҳәр қыйлы екени халықтың орынлы шағымларына себеп болды», - деди Ҳабибулло Жалилов.
Буннан былай сырттан алып келинетуғын, сондай-ақ, мәмлекет ислеп шығарыўшыларынан сатып алынатуғын дәри-дармақ қураллары медицина буйымларын көтере ҳәм усақлап сатыў, оларды жеткерип бериўде қатнасатуғын дәлдәлшылар санынан бийғәрез түрде, көтере саўда ушын сатып алынған қунынан 15% тен, усақлап сатыў ушын көтере баҳасынан 20% тен артық болмаған муғдарда белгиленетуғын шекленген саўда үстемелери қолланылған ҳалда әмелге асырылады.
Республикадағы барлық 5500 ге жақын дәриханаларда «Тутыныўшылар мүйеши» шөлкемлестирилип, онда барлық дәриханалар ушын мәжбүрий болған ең керекли дәри қураллары ҳәм медициналық буйымлардың минимал дизими, рецептсиз берилетуғын дәри қураллары дизими, белгиленген баҳаларда сатылатуғын дәри қуралларының ҳәм медициналық буйымлардың шекленген баҳаларының қыстырылып қойылыўы тәмийинленбекте, деп хабар берди gazeta.uz.скачать dle 10.6фильмы бесплатно



  • 20-01-2017, 08:10 |
  • 434