Мәмлекет мүлкин меншиклестириў әпиўайыластырылды

Мәмлекет мүлкин меншиклестириў әпиўайыластырылды

Өзбекистан Республикасының Меншиклестириў, монополиядан шығарыў ҳәм бәсекиликти раўажландырыў мәмлекетлик комитети сайтының берген мағлыўматына қарағанда, 17-январь күни Өзбекистан Республикасы Президентиниң «Исбилерменлик жумысы ҳәм жеке мүлкти еле де раўажландырыў, мәмлекет мүлки объектлерин сатыўды әпиўайыластырыў ҳәм тезлетиў бойынша қосымша илажлар ҳаққында»ғы Пәрманы имзаланды.

Бул Пәрман Жеке исбилерменликти раўажландырыў ушын қолайлы шәраятлар жаратыў, оларға товарлар ислеп шығарыў ҳәм хызметлер көрсетиў ушын мәмлекет мүлки объектлерин сатыўды әпиўайыластырыў ҳәм тезлетиў, стратегиялық әҳмийетке ийе болмаған мәмлекет мүлклерин меншиклестириўде бюрократиялық тосқынлықларды жоғалтыў, жеке мүлкке сатылған объектлер негизинде бәсекиге шыдамлы өнимлерди (хызметлер) ислеп шығарыўды жолға қойыў мақсетинде ислеп шығылды.

Буннан тысқары, пәрманда стратегиялық әҳмийетке ийе болмаған кәрханаларды ҳәм олардың устав фондындағы мәмлекет үлеслерин, мәмлекеттиң көшпес мүлк объектлерин меншиклестириў, соның ишинде «ноль» баҳада инвестиция киритиў шәрти менен бериў орнатылған талапларға муўапықлығынан келип шығып меншиклестириў ҳаққындағы қарарды қабыллаў ҳуқықы Қарақалпақстан Республикасы Министрлер Кеңеси, ўәлаятлар ҳәм Ташкент қаласы ҳәкимлерине берилиўи нәзерде тутылған.

Сондай-ақ, мәмлекет мүлкин ижараға алған ҳәм объектти капитал оңлаған, ислеп шығарыў ҳәм хызмет көрсетиў бойынша тийкарғы қуралларды модернизациялаған, жаңа жумыс орынларын жаратқан ижарашыларға объектти меншиклестириў дәўиринде оған биринши нәўбетте меншиклестирип алыўға үстемлик ҳуқықы бериледи.

Усыныс бирден-бир қатнасыўшыдан түскен жағдайларда мәмлекет мүлки объектлерин алыў-сатыў шәртнамаларын дүзиўге рухсат берилди. Меншиклестирилип атырған объект бойынша сатып алыў төлемлерин төлеў ушын 3 жыллық мүддет нәзерде тутылған.

Сондай-ақ, Өзбекистан Республикасы даўагер-резидентлеринен таңлаў саўдаларында қатнасыў ушын бизнес реже ҳәм буйыртпанамадан тысқары басқа ҳүжжетлер талап етиў, меншиклестириў нәтийжелерин бийкарлаў ямаса қайтадан көрип шығыўды талап етиў қадаған етиледи.
Пәрманда сондай-ақ, мәмлекет мүлкин биржада акцияларды бирлемши (IPO) ҳәм екилемши (SPO) сатыўға шығарыў жолы менен меншиклестириўге де рухсат берилген.скачать dle 10.6фильмы бесплатно



  • 19-01-2017, 14:11 |
  • 305