Қараөзекте цемент заводы иске түсти

 

Қараөзекте цемент заводы иске түсти

 

Жақында Қараөзек районындағы «Қойбақ» аўыл пуқаралар жыйыны аймағында  «Karakalpak sement» ЖШЖ түриндеги шет ел кәрханасы пайдаланыўға тапсырылып, дәслепки өнимди шығара баслады, деп мәлим етпекте Қарақалпақстан хабар агентлиги. Бул Өзбекистан Республикасы Президентиниң 2015-жыл 4-марттағы «2015 -2019-жылларда өндиристи структуралық жақтан өзгертиў, модернизациялаў ҳәм диверсификациялаўды тәмийинлеў бойынша илажлар бағдарламасы ҳаққында»ғы қарарын орынлаў шеңберинде шет ел инвестициялары қатнасында республикамызда бир қатар жойбарлар әмелге асырылмақта.

Улыўма инвестициялық баҳасы 40 миллион АҚШ доллары болған қурылыстың биринши басқышында 250 мың тонна, усы жылдың ақырына пайдаланыўға тапсырыў нәзерде тутылып отырған II басқышы иске түскеннен соң 250 мың тонна, келеси жылдың ақырында иске түсириў режелестирилген III басқышында 700 мың тонна, толық иске түскеннен соң жылына 1 миллион 200 мың тонна өним ислеп шығарылады. Ең әҳмийетлиси, кәрхана ушын шийки зат усы жердиң өзинен алынады. Бул жерден шығарылған өнимлер Инвестициялық бағдарламаға киргизилген «Бостан» каналы сыяқлы ири қурылысларда пайдаланыў менен бирге, келешекте  бир бөлеги шет еллерге экспорт етиледи. Соның менен бирге  усы аймақтан 180 адам турақлы жумыс орны менен, тараўға байланыслы ҳәм оған хызмет көрсетиўши кәрханаларда және 70 тен зыят адамның бәнтлиги тәмийинленеди.

 

Фото: kknews.uz

скачать dle 10.6фильмы бесплатно



  • 29-06-2017, 10:55 |
  • 657