Президент коронавирус дәўиринде халық ҳәм исбилерменлерди қоллап-қуўатлаў бойынша пәрманға қол қойды. Тийкарғы жаңалықлар

Президент «Коронавирус пандемиясы дәўиринде халық ҳәм исбилерменлик субъектлерин қоллап-қуўатлаў бойынша гезектеги илажлар ҳаққында»ғы Пәрманға қол қойды. Бул ҳаққында ҳуқықтаныўшы-блогер Х.Худайбердиев хабар берди.

 

Пәрманға муўапық:

 

2020-жыл 1-июньнан 1-сентябрьге шекем:

 

- киши исбилерменлик субъектлери;

- базарлар ҳәм саўда комплекслери;

- кинотеатрлар;

- улыўмалық аўқатланыў орынлары;

- жәмийетлик транспорт шөлкемлери;

- спорт-саламатластырыў мәкемелери;

- сондай-ақ, жолаўшыларды тасыў, турмыслық хызмет көрсетиў, жабық орынларды ижараға бериў, соның ишинде, банкетлер шөлкемлестириў менен шуғылланатуғын юридикалық тәреплер

 

МҮЛК ҲӘМ ЖЕР САЛЫҒЫН ТӨЛЕЎДЕН АЗАТ ЕТИЛЕДИ.

 

Киши исбилерменлик субъектлерине:

 

- 19.03.2020-жылдағы ПФ-5969-санлы ҳәм 03.04.2020-жылдағы ПФ-5978-санлы Пәрманларға муўапық, апрель-май айлары ушын усынылған, мүлк ҳәм жер салығының процентсиз кешиктириў (бөлип-бөлип төлеў) суммаларынан;

 

- 2020-жыл 1-январьдан баслап 2020-жыл 15-майға шекемги болған мүддетте жер ҳәм мүлк салығы бойынша есапланған пеня ҳәм жәриймалардан

 

ЎАЗ КЕШИЛЕДИ.

 

Исбилерменлер ушын товарларды (хызметлерди) алып кириўде (импорт) қосымша қун салығын төлеўди 120 күнге шекем кешиктириў ҳуқықы бериледи.

 

2020-жыл 1-майдан 1-июльға шекем:

 

- микрофирмалар ҳәм киши кәрханалар ушын социаллық салық ставкасы 12% тен 1% ке КЕМЕЙТИЛЕДИ.

 

- Устав фондында (устав капиталында) мәмлекетлик үлеси 50 процент ҳәм оннан артық болған мәмлекетлик кәрханалар және юридикалық тәреплер буған кирмейди.

 

Микрофирма ҳәм киши кәрханалардың айланба қаржылары кемейиўиниң алдын алыў мақсетинде 2020-жыл 15-май жағдайына салық қарызлары ҳәм салық ҳаққындағы нызам ҳүжжетлерин бузғаны ушын пеня және есапланған жәриймалар бойынша қарыздарлықты өндириў 2020-жыл 1-сентябрьге шекем ТОҚТАТЫЛАДЫ.

 

Мәмлекетлик салық хызмети уйымлары 2020-жыл 15-май жағдайына олардың банк есап бетлеринен қаржыларды өткериў ҳәм шешип алыў бойынша инкассо тапсырмаларды ҚАЙТАРЫП АЛАДЫ.

 

Салық төлеўшилер 15-май жағдайына орынланбаған салық миннетлемелерин орынлаў бойынша төлем тапсырмаларын ҚАЙТАРЫП АЛЫЎ ҳуқықына ийе.

 

Ислам Матеков,

Қарақалпақстан хабар агентлиги.

скачать dle 10.6фильмы бесплатно



  • 19-05-2020, 13:23 |
  • 683