Салық түрлери қысқартылды

Жаңа редакциядағы (https://t.me/huqiqiymalimleme/2732) Салық кодексинде салықларды унификациялаў, уқсас салық базасына ийе салықларды бирлестириў арқалы олардың саны оптималластырылды, салық есабатлары кемейтилди ҳәм әпиўайыластырылды.

Салық түрлери 9 ға қысқартылды. Атап айтқанда, бирден-бир жер салығы, мәмлекетлик бажы, бажыхана төлемлери ҳәм исбилерменлик искерлигиниң айырым түрлери бойынша қатаң белгиленген салық түрлери бийкар етилди.

Кодекске көре, салық органлары салық тексериўшилердиң төмендеги түрлерин өткереди:

 -  камерал салық тексериўи;

 -  көшпели салық тексериўи;

 -  салық аудити.

(Алдын салық тексериўлери ўәкилликли орган менен келисимге көре өткерилетуғын ҳәм ўәкилликли органды хабардар етиў тәртибинде өткерилетуғын тексериўлерден ибарат болған)

Кодекске трансферт баҳаны қәлиплестириўди қадағалаў нормалары, “өз-ара байланыслы шахслар” ҳәм “өз-ара байланыслы шахслар арасында қадағаланатуғын питимлер”, “қадағаланатуғын сырт ел компаниясы” түсиниклери киргизилди.

Усы мүнәсибет пенен айырым исбилерменлик субъектлери тәрепинен искерлик әмелге асырылыўы менен байланыслы  “салық төлеўшилерди консолидацияласқан топары” түсиниги ҳәм оларды салыққа тартыўдың өзгешеликлери белгиленди.

Ҳүжжет ҳаққындағы толық мағлыўмат пенен  www.lex.uz сайты арқалы танысыў мүмкин.

 

Дерек: @huqiqiymalimleme

 

скачать dle 10.6фильмы бесплатно



  • 3-01-2020, 11:34 |
  • 1 701