Бирден бир салық төлеми орнына айланбадан алынатуғын салық киргизилди

“Салық кодексине өзгерис ҳәм қосымшалар киргизиў ҳаққында”ғы Нызам (ЎРҚ-599-сан, 30.12.2019-ж.) Президент тәрепинен имзаланады.

Нызам менен Салық кодексине өзгерис ҳәм қосымшалар киргизилип, оның жаңа редакциясы тастыйықланды.

Нызамға муўапық, 2007-жылда қабыл етилген Салық кодексинде нәзерде тутылған салықлар ҳәм басқа мәжбүрий төлемлер бойынша жеңилликлер 2020-жылдың 1-апрелине шекем әмел етеди.

2020-жылдың 1-январына шекем қабыл етилген салық ҳаққындағы нызам ҳүжжетлеринде нәзерде тутылған салықлар ҳәм басқа мәжбүрий төлемлер бойынша жеңилликлер олардың әмел етиў мүддети тамамланғанға шекем әмел етеди.

Нызамға көре, бирден бир социаллық төлем, бирден бир салық төлем қатаң белгиленген салық орнына тийислинше социаллық салық, айланбадан алынатуғын салық ҳәмде қатаң белгиленген муғдарда физикалық шахслардан алынатуғын дәрамат салығы киргизилмекте.

Есапланған салық суммасынан есапқа алынатуғын ҚҚС суммасының асып кетиўи нәтийжесинде пайда болған ҚҚС суммасының орнын қаплаў 2020-жылдың 1-июлинен баслап әмелге асырылады.

Салық төлеўши 2020-жыл 1-январға шекем пайда болған зыянды кейинге, усы зыян көрилген салық дәўиринен кейинги 5 жылдан көп болмаған мүддетке көшириўди әмелге асырыўға ҳақылы.

Бунда, ҳәр бир кейинги салық дәўиринде есапқа алынатуғын өткерилип атырған зыянның жәми суммасы усы салық дәўириндеги салық базасының 50 процентинен асыўы мүмкин емес.

 

Дерек: @huqiqiymalimleme

скачать dle 10.6фильмы бесплатно



  • 3-01-2020, 11:11 |
  • 1 155