Мийнетке ҳақы төлеўдиң ең кем муғдары асады

 

“2020-жыл ушын Өзбекстан Республикасының мәмлекетлик бюджети ҳаққында”ғы Нызам орынланыўын тәмийинлеў ис-илажлары ҳаққында”ғы Президент қарары қабыл етилди.

 

Қарарға муўапық, 2020-жыл 1-февралдан баслап бюджет мәкемелери ҳәм шөлкемлери хызметкерлериниң ис ҳақы, пенсиялар, стипендиялар, напақалар ҳәмде кем тәмийинленген шаңарақларға берилетуғын материаллық жәрдем муғдары 1,07 есесине асырылады.

 

2020-жыл 1-февралдан баслап Өзбекстан аймағында:

 -  мийнетке ҳақы төлеўдиң ең кем муғдары – айына  679 330 сум;

 -  пенсияны есаплаўдың базалық муғдары – айына  238 610 сум;

 -  ең кем жасқа байланыслы пенсиялар  – айына 466 680 сум;

 -  балалықтан майыпларға берилетуғын напақа – айына  466 680 сум;

 -  зәрүр мийнет стажына ийе болмаған  кексе жастағы ҳәм мийнетке уқыпсыз пуқараларға берилетуғын напақа – айына  286 390 сум етип белгиленди.

 

Сондай-ақ, қарар менен:

 -  14 жасқа шекем балалары болған шаңарақларға напақа, бала 2 жасқа толғанға шекем бала күтими бойынша напақа, кем тәмийинленген шаңарақларға берилетуғын материаллық жәрдем;

 -  Қарақалпақстан Республикасы ҳәм Хорезм ўәлаятындағы мүтәж шаңарақларға бир мәртелик материаллық жәрдем муғдарлары тастыйықланды.

 

Базалық есаплаў муғдары – 223 000 сум өзгериссиз қалдырылды.

 

Дерек: @huqiqiymalimleme

скачать dle 10.6фильмы бесплатно



  • 3-01-2020, 10:52 |
  • 2 257