Шайдың пайдасы ҳәм зыяны

 

Шайдың пайдасы ҳәм зыяны

 

Көк шай ишиўдиң 10 себеби

 

Көк шай тек шөлди басып ғана қоймастан, оның адам денсаўлығына да пайдасы бар екен. Шыпакерлер көк шайдың жүрек-қан тамыр ҳәм организмдеги ҳәр түрли кеселликлердиң алдын алатуғынын айтады. Бүгин биз сизлерге көк шай ишиўдиң 10 себебин усынамыз. Олар төмендегише:

Көк шай шөлди тез басады;

Семизлик пенен гүреседи;

Өмириңизди узайтады;

Депрессияның алдын алып, мийдиң искерлигин жақсылайды;

Қан басымын төменлетеди;

Өкпени тазалайды;

Баўырды алкоголь ишимликлерден қорғайды;

Тистиң шириўиниң алдын алады;

Иммунитетти күшейтеди;

Организмдеги суў балансын қәлпине келтиреди.

 

Дерек: http://rktmo.uz/

 

Шайдың пайдасы ҳәм зыяны

 

Биз шай ишиўде инглизлерден қалыспаймыз. Азанда ерте, түсте де, кешқурын да шай ишемиз. Аўқатқа қосып дерлик ҳәммемиз шай ишемиз. Шайдиң қурамындағы танин элементи болса, азық-аўқат өнимлеринде бар болған пайдалы затларды майдалап таслайды, нәтийжеде организмде витаминлердиң жетиспеўшшилиги жүзеге келеди. Шай менен бирге желинетуғын гөштиң 40 пайыздан 100 пайызға шекем қанға сорылмаўы мүмкин. Мийўелердиң болса 5 пайызынан көби сорылмайды. Улыўма азық-аўқатлардың шай менен желинетуғын аўқатлардың қурамында витамин ҳәм темир элементиниң 70 пайызы сорылмай қалады. Бул болса инсан саламатлығына әлбетте, кери тәсир жасайды. Ҳәзирги ўақытта дүньяда көпшилик инсанлар кем қанлық кеселлиги менен кеселленген. Бул кеселлик тийкарынан темир элементиниң жетиспеўшилиги себепли келип шығады. Темирге бай болған мийўе ҳәм палыз өнимлери, көк шөплерди жеў арқалы кем қанлық кеселлигинен сақланыўымыз мүмкин. Бирақ буларды шай менен бирге жеў, витамин ҳәм темирдиң организмге толық жетип барыўына тосқынлық қылады. Журтымызда көп санлы халық, әсиресе, ҳаяллар ҳәм балалар темир жетиспеўшилигинен келип шығатуғын кеселликлерге шалынып атырғанлығы себепли, биз жейтуғын нан ҳәм нан өнимлерине де темир элементин қосыў, яғный, оны байытыў жолға қойылған. Бул кем қанлыққа қарсы гүреслердиң бири. Сиз нанды не менен жейсиз? Әлбетте, шай менен. Бул болса жоқарыда айтып өткенимиздей темир элементи жоқ болған нанды жеў менен барабар десек болады. Және көпшилик адамлар жас балаға шай берип, қәтеликке жол қояды. Үш жасқа шекемги балаларға шай бериў қәте екенлиги медицинада дәлийлленген. Баланың шайына шекер қосып бериў де натуўры. Балалардың жаслығынан аўқатланыў тәртибине итибар берип барыў лазым. Егер оның организминде темир жетиспеўшилиги жүз берсе, бул кейиншелли ақылый тәрептен де раўажланыўдан арқада қалыў қәўипин туўдырады. Саламлық ушын гүрес жолында аўқатланыў тәртибимиз, әсиресе, шай ишиў әдетлерин өзгертириўимизге туўры келеди. Аўқатланып атырған ўақытта ямаса аўқатланып болғаннан соң, шай ишпегениңиз мақул. Шай орнында басқа ишимликлер мәселен, қайнаған суў ҳәм шербетлер ишиўиңизге болады. Бул мәсләҳәтлерден соң, шай саламатлығымыз ушын зыян екен деген пикир туўылмасын. Шайдың организмимизге әҳмийети үлкен. Ол көплеп кеселликлер ушын пайдалы. Бирақ, палдың да азы мазалы. Шайға пайдалы ишимлик сыпатында карап, оның муғдарына ҳәм ўақтына итибар қаратсақ, саламатлығымыз ушын пайдалы. Аўқатланғаннан ярым сааттан кейин ишилген шай ҳәм кофе саламатығымыз ушын зыянлы емес. Саламатлық ҳәмме ушын керек ҳәм оны асырап қалыў өз қолымызда.

 

Сахибжамал Есемуратова.

 

 

скачать dle 10.6фильмы бесплатно



  • 19-07-2019, 13:26 |
  • 1 919