Республика  DOTS орайы сапластырылды

Медициналық – социаллық хызметлер агентлигиниң  ўазыйпалары белгиленди

Ҳүкимет қарары (252-сан, 26.03.2019-ж.) менен Өзбекстан Республикасы Ден саўлықты сақлаў министрлиги жанындағы Медициналық – социаллық хызметлер агентлиги ҳаққындағы реже тастыйыкланды. 

Қарар менен туберкулез кеселлиги бойынша Республика  DOTS орайы сапластырылып оның ўазыйпалары Республика қәнигелестирилген фтизиатрия ҳәм пульмонология илимий-әмелий медициналық орайға өткерилди.

Режеге көре, Агентликтиң тийкарғы ўазыйпасы кекселер, майыплығы болған шахслар ҳәм халықтың социаллық қорғаўға мүтәж тайпаларына көрсетилип атырған медициналық – социаллық хызметлерди жетилистириў есапланады.

Агентлик дүзилмесине төмендегилер киреди:

 -  аймақлық – социаллық хызметлер бөлимлери, район секторлары;

 -  урыс ҳәм мийнет ветеранлары ушын республика пансионаты;

 -  майыплығы болғанлар ҳәм кекселер ушын «Мүриўбет» ҳәм «Сахаўат» интернат - үйлери;

 -  майыплығы болғанлар ҳәм кекселер, урыс ҳәм мийнет ветеранлары ушын республика санаториялары;

 -  майыпларды реабилитация етиў ҳәм протезлеў миллий орайы, оның аймақлық орайлары;

 -  Республика медициналық – социаллық экспертиза инспекциясы ҳәм оның аймақлық бөлимлери;

 -  Адам саўдасы жәбиркешлерине жәрдем бериў бойынша республика реабилитация орайы.

 

Реже менен Агентлик ҳуқықлары ҳәм мәжбүриятлары белгилеп берилди.

Агентлик директоры Ҳүкимет тәрепинен лаўазымға тайынланады ҳәм азат етиледи.

 

Дерек: https://t.me/huqiqiymalimleme

скачать dle 10.6фильмы бесплатно



  • 29-03-2019, 16:23 |
  • 1 144