Нөкистеги «Тазаланған ишимлик суўы» талапқа жуўап бере ме?

Нөкистеги «Тазаланған ишимлик суўы» талапқа жуўап бере ме?

Нөкис қаласында халыққа «Тазаланған ишимлик суўы» хызметин көрсетиўши исбилерменлердиң алып барып атырған жумыслары халыққа сапалы тазаланған суў жеткерип бериў. Қарақалпақстан өзиниң жайласыў орны ҳәм ҳаўадағы дуз ҳәм шаңның муғдары менен мәмлекетимиздиң басқа аймақларына қарағанда айрықшаланады. Биз буннан алдыңғы «Нөкисте «Тазаланған ишимлик суўы»н қай жерлерден алыўға болады?» атамасындағы хабарымызда тазаланған суў хызметин көрсетиўши орынлар ҳаққында мағлыўмат берген едик. Ҳәзир болса бул хызмет көрсетиўшилердиң усынып атырған тазаланған суўы қай дәрежеде мәмлекетлик талапларға жуўап беретуғынына Қарақалпақстан Республикасы Мәмлекетлик санитария-эпидемиологиялық бақлаў орайының (МСЭБО) Коммунал гигиена бөлими меңгериўшиси Азамат Даўлетов, усы бөлимниң санитар врачы Зарифа Алланиязова ҳәм Аўқатланыў гигиенасы бөлими меңгериўшиси Баўыржан Сигаевлардан жуўаплар аламыз.

- Нөкис қаласында бүгинги күнде неше “Тазаланған ишимлик суў”ы хызметин көрсетиўши исбилерменлик субъектлери бар ҳәм олардың суўды тазалаўшы картреджлери қанша ўақыттан алмастырып турылыўы керек?

- Нөкис қаласы аймағында бүгинги күни ҳалыққа “Тазаланған ишимлик суўы”н жеткерип бериўде хызмет көрсетиўши исбилерменлик субъектлери 30 орында бар болып, қалалық МСЭБО тәрепинен қадағаланып турылады.

Ҳәзирги күнде Өзбекистан Республикасында ислеп шығарылған “Эко компания” илимий ислеп шығарыў фирмасы тәрепинен суў тазалаўшы фильтр қурылмалары орнатылған. Водопровод суўын тазалап бериўде водопровод тармағынан насос арқалы суў (100-500-1000л) бачокларға алынады, суў тазаланып берилгенде фильтрлерден өткериледи. Насос арқалы алынған суў 1-кварцлы фильтр (грубый очистка) қурылмасына барады. Бул фильтрде суўдың қурамындағы ылайлар, қумлар усланып қалынады. Соңынан 1-фильтрден шыққан суў 2-көмирли фильтр қурылмасына өтеди. Бул фильтрде суў ҳәр қыйлы ийислерден тазаланады. Ҳәмде суў 3-мембраналы фильтрға өтеди бул фильтрде суўдың қурамындағы химиялық қатты дузлардан тазаланып бактериоцид тәсир етеди.
Нөкистеги «Тазаланған ишимлик суўы» талапқа жуўап бере ме?

Тазаланған ишимлик суўын жеткерип бериўде пайдаланған фильтрлер суўдың қурамына қарап 1-2 ҳәптеде 1 мәрте лимон кислотасы менен тазаланып турылады.

Фильтрлер 3-4 жылда 1 мәрте алмастырылып турылады. Тазаланған ишимлик суўын халыққа жеткерип бериўде қурылма саатына 15 литрден-100 тн ға шекем жеткерип бериў қуўатлылығына ийе.

Қарақалпақстан Республикасы шәраятында ишимлик суўы бәҳәр айларында суўдың қурамында суўдың қаттылығы Мәмлекетлик стандартларда нормада 10 мк/г болса 13-15 мк/г ға шекем жоқарылайды. Бул жағдай Халық арасында бүйрек өт жоллары кеселликлерин келтирип шығарыў қәўпи жоқары. Лекин тазаланған ишимлик суў менен халықты толық тәмийинлеп бериў мүмкиншилиги жетерли дәрежеде емес.

- Барлық “Тазаланған ишимлик суу” ындағы суўлар талапларға жуўап бере ме?

- Тазаланған суўлар қалалық МСЭБО тәрепинен лабораториялық тексериўлерден өткерилип көрилгенде УзДСТ 950-2011 “Ишимлик суў” Өзбекистан Республикасы Мәмлекетлик стандарт талапларына жуўап береди.

- “Тазаланған ишимлик суў”ы хызметин көрсетип атырған исбилерменлик субъектлериниң техникалары (қурылмалары) Орай тәрепинен қанша ўақыттан тексерилип турылады?

- МСЭБО тәрепинен Министрлер Кеңесиниң 2006-жыл 6-май күнги 1573-санлы, Әдиллик Министрлиги тәрепинен дизимнен өткен нызамның 4-қосымшасына муўапық ҳәр айда сүт ҳәм сүт өнимлери, водопровод суўы, шығынды суў шығарыўшы кәрханалардан лабораториялық анализлер ушын сынамалар алыў, ҳәр 6 айда 1 мәрте, саўда улыўма аўқатланыў халыққа хызмет көрсетиў мекемелери хызметкерлериниң медицина дәптершелери мониторинги МСЭБО бас врачлары буйрықлары тийкарында өткериледи.

Ден саўлығымыз ең қымбатлы байлығымыз. Оны сақлаў тек ғана мәмлекетлик мекемелердиң емес ҳәр бир инсанның ўазыйпасы. Ең баслысы ҳәр қандай азық-аўқат өнимин сатып аларда саўда ислеп атырған саўдагерден өнимниң сертификаты ҳаққында сораң. Себеби, сақлықта – қорлық жоқ.


Лола Қаллыханова
Журналист

Фото: Green.uz, Daryo.uz
скачать dle 10.6фильмы бесплатно



  • 20-03-2017, 11:28 |
  • 486