Социаллық әҳмийетке ийе дәрилерди қатаң баҳаларда сатыў ҳаққындағы талап бийкарланды

Өзбекстан Президентиниң «Дәри қуралларын мәмлекет дизиминен өткериў нәтийжелигин арттырыў ҳәм халықты олар менен тәмийинлеўди жақсылаў ис-илажлары ҳаққында»ғы пәрманы қабылланды. Бул ҳаққында gazeta.uz хабар бермекте.

Пәрманға муўапық, социаллық әҳмийетке ийе дәри қураллары ҳәм медицина буйымларын қатаң баҳаларда сатыў ҳаққындағы талап бийкарланды.

Социаллық дәриханалар тәрепинен социаллық әҳмийетке ийе дәри-дармақлар ҳәм медицина буйымларын сатыў олардың сатып алыў қуны ямаса көтере баҳасына 10% шекленген саўда үстемеси қолланылған ҳалда әмелге асырылыўы белгилеп қойылды.

Сондай-ақ, бул пәрманда жоқары тәртипке салыўшы талаплар қойылған мәмлекетлерде дизимнен өткерилген дәри-дармақларды дизимнен өткериў нәтийжелерин тән алыў айтылды.

Өзбекстан Президентиниң 2017-жыл 7-ноябрьдеги «Фармацевтика тармағын басқарыў системасын түпкиликли жетилистириў ис-илажлары ҳаққында»ғы ПП-5229-санлы Пәрманының 11-бәнти өз күшин жоғалтқан деп есапланды.

Өзбекстан Ден саўлықты сақлаў министрлигиниң алдағы халық аралық әмелиятын үйрениў тийкарында бир ай мүддетте тийкарғы кеселликлердиң диагностика ҳәм емлеў стандартлары, клиникалық протоколлары қайта көрип шығылыўын ҳәм ҳәр шеректе Социаллық әҳмийетке ийе дәри-дармақлар ҳәм медицина буйымларының дизими қайта көрип шығылыўы тәмийинленеди.

 

Аўдарма: makan.uz

 

скачать dle 10.6фильмы бесплатно



  • 21-06-2018, 09:34 |
  • 213