Хош хабар: Нөкис районда жаңа емлеўхана имараты салынып атыр

Хош хабар: Нөкис районда жаңа емлеўхана имараты салынып атыр

 

Нөкис районлық медицина бирлеспесиниң жаңа имараты қурылмақта, деп хабар берди район ҳәкимлиги.

Районлық көп тармақлы поликлиникасының арқа тәрепинде Өзбекстан көшесинде бой тиклеп атырған бул имарат 2019-жылы пайдаланыўға тапсырылады. Ҳәзирги ўақытта «Қарақалпаққурылысмонтаж» жуўапкершилиги шекленген жәмийетиниң қурылысшылары тәрепинен емлеўхананың 2-қабатында өриў жумыслары алып барылмақта.

– Жаңадан қурылып атырған емлеўхана имараты 3 қабатлы 70 орынға мөлшерленген болып, сметалық баҳасы 5 млрд 611 млн сумды қурайды. Бүгинге келип қурылысшылар тәрепинен имараттың 2-қабатында гербиш өриў жумыслары исленип1млрд 300 млн сумлық жумыс көлеми орынланды. Несип етсе келеси жылда жаңа емлеўхана имаратын пайдаланыўға тапсырамыз. Буған бизиң имканиятымыз жетерли, - дейди «Қарақалпаққурылысмонтаж» жуўапкершилиги шекленген жәмийетиниң прорабы Қоңыратбай Нурымбетов.

Хош хабар: Нөкис районда жаңа емлеўхана имараты салынып атыр

 

Хош хабар: Нөкис районда жаңа емлеўхана имараты салынып атыр

 

- Ҳақыйқатында да биз қурылыс объектинде болғанымызда ол жерде 40 қа шамалас өз кәсибиниң шеберлери, қолы гүл қурылысшылар қызғын жумыс ислеп атырғанлығының гүўасы болдық. Шебер өриўшилерден есапланған Г.Жумамуратов, Н.Муминов, А.Ержановлар «устаз-шәкирт» усылында жумыс алып барып жасларға гербиш өриўдиң сырларын үйретсе, электр кепсерлеўшилерден Ж.Әбишов, Ж.Маликовлар кәсиплеслерине үлги болмақта. Әлбетте, қурылыс ислериниң белгиленген кесте бойынша орынланыўында техникалардың тутқан орны өз алдына. Бул жерде жүк көтериўши кран машинасы, жүклеши, бетон қарыўшы, жүк тасыўшы техникалар қурылысшылардың аўырын жеңил етпекте, деп жазады Нөкис районының ҳәкимият сайты.

скачать dle 10.6фильмы бесплатно



  • 20-06-2018, 22:21 |
  • 284