«Ашшы көл»диң суўы талапқа жуўап бермейди

 

«Ашшы көл»диң суўы талапқа жуўап бермейди

 Иллюстрациялық сүўрет

 

Жаз мәўсими басланыўы алдынан makan.uz Қарақалпақстан Республикасы Мәмлекетлик санитария-эпидемиология бақлаў орайына көпшиликтиң жазда шомылыў орнына айланған «Ашшы көл»диң суўы шомылыў ушын талапқа жуўап бере ме , деген сораў менен шықты. Усы хатқа берилген жуўапты нәзериңизге усынамыз.

«Нөкис қаласы аймағында жайласқан ашық суў ҳәўизлери яғный «Ашшы көл» көли аймағын халық дем алыў орнына айландырылған. Шомылыў мәўсими даўамында жақынласыўына байланыслы, қалалық Мәмлекетлик санитария-эпидемиология бақлаў орайы тәрепинен «Ашшы көл» көлинен химиялық ҳәм бактериологиялық көрсеткишлерине белгиленген тәртипте суў сынамалары алынып, тексериледи. 2018-жыл апрель айынан баслап ашық суў сынамасы жуўмақлары бойынша O’zDst 951-2011 талаплары бойынша талапқа жуўап бермеслиги анықланды. Суўдың қурамындағы дузлылығы 12 есе, сульфат концентрациясы 7 есе, улыўма қаттылығы 8,5 есе жоқарылығы анықланды.

Нөкис қаласы аймағында ҳәзирги күни халықтың шомылыў ушын дәрья, канал, жас-салмалар ҳәм көллер белгиленбеген шомылыў орынлары болып табылады.

Белгиленген шомылыў орынларына «Олимпия резервлери колледжиниң жүзиў бассейни» ҳәм Спорт колледжиниң «Арал» бассейинлери киреди.

Хатта көрсетилген «Ашшы көл» көлине жыл даўамында дәрья суўы менен толтырылса, көл ишине тазалаў ҳәм зыянсызландырыў жумыслары өз ўақтында алып барылса, шомылыў ушын келген халыққа қолайлы шәраятлар жаратылса шомылыў орны сыпатында пайдаланыўға болады».

скачать dle 10.6фильмы бесплатно



  • 26-05-2018, 10:34 |
  • 772