Рәсмий: Алкоголь 7 түрдеги рак кеселлигин келтирип шығарады

Пүткил дүнья жүзлик ден саўлықты сақлаў шөлкеми 4-февральда белгиленетуғын рак кеселлигине қарсы гүресиў күни мүнәсибети менен алкоголь ҳәм бир қатар онкологиялық кеселликлер ортасындағы байланыс ҳаққында ескертиў жәриялады, деп хабар берди Sputnik басылымы.

Пүткил дүнья жүзлик ден саўлықты сақлаў шөлкеми атап өтиўинше, алымлар алкоголь рактиң кеминде 7 түрин келтирип шығарыўын анықлаған. Булар: қалың ҳәм жиңишке ишек раги, сүт бези раги, асқазан, кегирдек, баўыр, аўыз бослығы ҳәм тамақ раги.

Пүткил дүнья жүзлик ден саўлықты сақлаў шөлкеминиң анықлық киритиўинше, алкогольдағы канцероген (ракти келтирип шығарыўшы фактор) бул этанол элементи болып, ол организмдеги клеткаларды жарақатлайды ҳәм рак бези пайда болыўы қәўпин арттырады.

Алкоголь ҳәм темеки өнимлериниң бир ўақыттың өзинде тутынылыўы онкологиялық кеселликлерге шалыныў қәўпин бир неше мәртебеге арттырады, делинген мағлыўматта.

Пүткил дүнья жүзлик ден саўлықты сақлаў шөлкеминиң айтыўынша, рак келип шығыўы себебин тутынған спиртли ишимлик муғдары менен байланыстырған. Егер ҳаял адам бир күнде 4 бокал вино ишсе, оның көкирек өсимтеси дәртине шалыныў қәўпи 50%ке, егер бокаллар саны 8 ди қураса бул қәўип 130%ке артады.

 

Аўдарма: makan.uz

скачать dle 10.6фильмы бесплатно



  • 5-02-2018, 15:49 |
  • 524